شراء بيض النعام المخصب مشروع مزرعة نعام افريقي

للاشتراك في الجروب الرسمي لقناة كلام في نعام اضغظ على الرابط   / 522214432368814   شراء بيض النعام المخصب بعض الشباب شايف انه يشتري بيض مخصب يفقسه عنده ويطلعله كتاكيت يربيها افضل من لما يشتري كتاكيت علشان يوفر – بيقولوا ان البيضة المخصبة بتتباع ب 700 و ب 800 ج وانها هتكون اوفر من انهم يشتروا كتاكيت - وبيقولوا ممكن نجيبها من بره مصر ارخص من كده - علشان نعرف اجابة السؤال ده ننظم افكارنا الاول كويس – نقسم الكلام اولا الي قسمين فوايد وعيوب – فوايده هي انه ارخص من الكتكوت فقط مفيش اي فايدة تانية – عيوبه بقي ايه هي - الاحتمال ان يكون نسبة تخصيبه ضعيفة احتمال وارد جدا – الاحتمال انه يكون اول تبشير لاسرة لسة بتبشر فيكون فيه مشاكل شويتين ثلاثة وارد جدا – الاحتمال انه يكون يحمل ميكروب من الام وده شوفناه كتير قوي الموسم اللي فات - اسر كتير مصابة بالسمونايلا وامهات كتير جدا بتحمل السلمونيلا ومش بيبان عليها اعراض - السلمونيلا تعتبر من أخطر الميكروبات التي بتصيب النعام و بتتسبب في نسبة نفوق عالية جدا في الكتاكيت - الميكروب في الحالة دي بيكون اتنقل بصورة راسية من الأمهات للكتاكيت الصغيرة مباشرة عن طريق البيضة – يعني الام تحمل ميكروب سالمونيلا وتنقله بصورة مباشرة للبيضة اللي بدورها تنقله للكتكوت - وبتظهر الأعراض بشكل واضح جدا علي الكتاكيت الصغيرة في الأسبوع الاول بعد الفقس – نيجي لنقطة الخبرة – خبرة حضرتك القليلة هتكون عقبة هي كمان في انك تبدا مشروعك بداية زي دي لان تفقيس بيضة ورعاية كتاكيت عمر يوم والخروج بها من منطقة الخطر بيتطلب خبرة كبيرة – يبقى ان بتورط نفسك في بداية محفوفة بالمخاطر ومليئة بالمفاجات السيئة - احنا كده قسمنا افكارنا الى مزايا شراء البيض المخصب وقولنا انها ميزة واحدة بس وهي السعر المنخفض -- وعيوب شراء البيض المخصب وقولنا حوالي 4 او 5 عيوب ما ذكرناش كل الامراض اللي ممكن يكون البيض المخصب برضو بيحملها او مشاكل نقص العناصر الغذائية او نقص المعادن الرئيسية الي بيتسبب فيها التغذية الغير متوازنة والعشوائية – شاهد الحلقة لمعرفة المزيد