'മുഖം ഉൾപ്പടെ നീല നിറമായി,ചിന്താശേഷി നഷ്ടപ്പെട്ടു, ജീവിതത്തിലേക്ക് തിരിച്ചെത്തിയത് രണ്ടാം ദിവസം'

ഒരു പര്യവേഷകയുടെ ജീവിതം സാധാരണക്കാർക്ക് അപരിചിതമായ ലോകമാണ്. ജീവനെടുക്കാവുന്ന അപകടങ്ങളും പ്രതികൂല കാലാവസ്ഥയും മറികടന്നു പോകണം . ബംഗളൂരു അസിം പ്രേംജി യൂണിവേഴ്സിറ്റിയിലെ സ്കൂൾ ഓഫ് ക്ലൈമറ്റ് ചേഞ്ച് ആൻഡ് സസ് റ്റെനിബിലിറ്റിയിലെ അസിസ്റ്റൻറ് പ്രൊഫസർ ഡോ. എസ് എൻ രമ്യ അതേപ്പറ്റിയെല്ലാം സംസാരിക്കുന്നു. ഇന്ത്യൻ ഹിമാലയം, ഹൈ മൗണ്ട് ഏഷ്യ, ആർട്ടിക് മേഖലയിലെ സ്വാൽ ബോർഡ് എന്നിവിടങ്ങളിലെ ഉയർന്ന പ്രദേശങ്ങളിൽ വർഷങ്ങളായി രമ്യ ഗവേഷണങ്ങൾ നടത്തുന്നുണ്ട് .ഹിമാലയത്തിലെ ഹിമാനികളെ കുറിച്ച് 10 ഗവേഷണ പ്രബന്ധങ്ങൾ അന്താരാഷ്ട്ര ജേർണലുകളിൽ പ്രസിദ്ധീകരിച്ചു..ബദരിനാഥിനടുത്ത് കൂടി ഒഴുകുന്ന അളകനന്ദ നദിയുടെ ഉദ്ഭവസ്ഥാനമായ സതോപന്ത് , സിക്കിമിലെ സൗത്ത് ലോണാക് ഹിമാനികളിലെ പര്യവേഷണങ്ങൾ , ആർടിക്കിലെ പഠനങ്ങൾ എന്നിവ ശ്രദ്ധേയം.