ضابط من جيش بشار الأسد لماذا تعتبره الثورة شهيداً ؟!

#محطات_ستيشنز #محطاتstations #سوريا #قصص_مؤثرة #قصص_حقيقية #حكايات #الجيش_السوري #الثورة_السورية نص الفيديو : على اي اساس ادارة العمليات العسكرية سامحت عناصر الجيش السوري ؟ سامحوا العساكر والضباط اللي كانوا قبل بنص ساعة بس حاملين عليهن سلاح وبدن يقتلوهم !! طبعا نحنا منعرف انه في كتير ناس من اهالي الشهداء في الثورة اللي قتلوا نتيجة قصف عشوائي او براميل متفجرة او بالسجون او بساحات المعركة هدول الاهالي بدن القصاص منهم بس اذا بتلاحظوا كل المقاتلين كانوا لما عم يطلقوا صراحهم عم بقولولهم نحنا رح نعاملكم بديننا و تبعاً لكتير ايات بالقران الكريم اللي بتدعوا للصفح والعفو.. منها: بسم الله الرحمن الرحيم وَإِن تَعْفُوا وَتَصْفَحُوا وَتَغْفِرُوا فَإِنَّ اللَّهَ غَفُورٌ رَّحِيمٌ طيب في شي غير هيك كذا مذا اسباب تانية ؟ منتصور انو الموضوع استراتيجي ويعطيهم العافية انه فكروا بهي الطريقة تجنبا لمزيد من الدماء من ناحية ورسالة اطمئنان لبقية العساكر اللي لسا عم يقاتلوا انهم ينشقوا عن الجيش ويرموا سلاحهم وهلأ بدي ارجع فيكم لعام 2011 اول ما بلشت الثورة انا خلصت عسكرية بتاريخ 1 2 2011 يعني قبل ماتبلش المظاهرات وتولع بفترة شهرين وشهرين ونص تقريبا تسرحت وتركت وراايي اصحاب وزملاء كان بدهم ليتسرحوا شي ست شهور وشي سنة حتى وضليت على تواصل معاهم حتى بعد مابلشت الثورة والمظاهرات ولوقت نزلوا على درعا بالبي ام بيات والدبابات والبردي اميات هلأ الخادمين جيش اكيد بيعرفوا انو بالجيش السوري سابقا في شي اسمه توجيه سياسي هاد مهمته بكل عيد وطني يطلعوا يلقوا علينا خطاب بخص المناسبة وتطبيل للقائد وانجازاته وقال شو تاثير حرب تشرين التحريرية التي هي من انجازات الحركة التصحيحية المجيدة !! وكذا هدول التوجيه السياسي المطبل كان بوق النظام اللي خلّى كتير من العساكر يفهموا قصة المظاهرات والاحداث بطريقة خاطئة جدا اول ماصارت المظاهرات بدرعا وحميت القصة وامتدت لعدة مدن بسوريا الجيش السوري وقف الاجازات لكل العناصر وصار في استنفار بالجيش وكل يوم بالاجتماع الصباحي كان يجي ضابط من التوجيه السياسي يخبرهم عن الللي عم يصير بدرعا باخبار كاذبة كانوا يقلولهم في ارهابيين واسلاميين متشددين و انتحاريين بفجروا حالن بالاسواق ومخربين عم يسرقوا ويغتصبوا النساء وحكولهن كمان للعساكر قصة اخوان المسلمين واحداث التمانينات المفبركة طبعا على ذوقهم قال انو الجيش بوقتها عمل واجبه اتجاه الوطن وقتل 40 الف ارهابي بحماه.. طبعا انتوا بتعرفوا انو النظام السابق كان كل يفتح تمه بشي ضد الدولة والنظام الحاكم بسموه خاين واخونجي وارهابي حتى لو كان عفوا منكم مسيحي وياما فاتوا من المسيحيين على السجون بتهمة الاخوان !! المهم خطابات التوجيه السياسي كانت عم تحضر الجيش فكريا وتحفزه لينزل يبيد العالم بعد مايقتنع انه فعلا هدول ارهابيين ومخربين تخيلوا انو العسكري نزل ليقتل المتظاهرين وهو مرتاح البال وكان مفكر حاله عامل انجاز لوطنه بس ملاحظة مهمة : هي القصة ب2011 بس ممنوع بعد 2011 وبعد ماوضحت الصورة انها ثورة شعبية ذات مطالب سامية وانشق الهرموش رحمه الله وغيروا كتير من الضباط والعساكر ماضل حجة للبقية ! خلص وضحت القصة .. وكل حدا ضل بعد هيك بالجيش مابعرف ليش ضل او بعرف بس مابدي احكي عفا الله عما مضى شوفوا خباثة هالنظام الحقير كيف علق الشعب السوريي ببعضه الحمدلله اللي الله خلصنا منه هلأ رفقاتي العساكر اللي كانوا مازالو بالجيش عم يخدموا منهم ماكان مصدق الخبرية تبع التوجيه السياسي وكانوا عارفين انها مظاهرات شعبية سلمية وعرفوا طبعا من اتصالاتهم مع اهاليهم ..... خدوا هالمثال على احد الضباط السوريين العلويين اللي نحنا منعتبره شهيد عظيم وتم قتله من قبل النظام المجرم ليكون عبرة لبقية الضباط الوطنيين المتواجدين بالجيش السوري العقـيد مصطفى شدود اللي بتعتبره الـثورة والنـظام شهيداً... العقيد الشهيد مصطفى شدّود هو من عَلويّي مدينة حمص تقدم تجاه الثوار بمنطقة المليحة بدمشق عام ٢٠١٣ ليقلهم “أنتم أهلنا! أنتم إخوتنا! أنا ضد القتل! أنا معكم! وحياة المصحف تعزّ عليّ الحَجَر في سوريا ‏قُتل مصطفى شدّود بعد أيامٍ من هي الحادثة. و قال النظام الكاذب أنه استشهد مدافعاً عن دمشق وقالوا الثوار بوقتها أن النظام قتله لأنه ألقى سلاحه في ساحة المعركة وأبدى تعاطفاً معنا. العقيد الشهيد مصطفى شدّود من مدينة حمص حي الزهراء هاد المقطع الشهير لحواره مع مقاتلي الثورة بيرسم النا صورةً عن مقاتلٍ شجاع متفوقٍ أخلاقياً ووطنياً، وعن خصمٍ مُنصِف يخاطر بحياته لسماع وجهة نظر الطرف الآخر.. ويجسّد أجمل تجسيد مأساة ضابطٍ وطنيٍّ شريف في الجيش السوري نذر نفسه للدفاع عن أهله وعن حدود وطنه فإذا به يحمل السلاح داخل حدود الوطن، ويتمّ الزجّ به من قبل الاسد في مواجهةٍ مؤلمة مع أهله وأبناء شعبه. رحمة الله على العقيد مصطفى شدود من شرفاء الجيش السوري السابق انا بدي اترحم على كل سوري قتل قناعة انه يدافع عن الوطن ومن كل الطوائف في سوريا من العلويين والسنة والمسيحين والاسماعيليين والمرشدييين وغيرهم من الطوائف الكريمة وانا شخصيا عندي اصحاب توفوا من الطائفة العلوية الكريمة وهني اخوات واعمارهم بالعشرينات ماتوا وهني عم يخدموا بالجيش بعد ماسحبوهم احتياط وكانوا من ارقى الناس بس صدقوا رواية النظام الكاذبة وراحوا ببلاش وبقي بشار بقصره بسياراته ومصرياته واخر الشي ليكو هربان قلعد بروسيا بعد ماسرق اموال الشعب وقاعد هنيك معزز مكرم وشعبه وطائفته اللي وقفت معه وصدقت روايته خسروا ابنائهم وثرواتهم وعايشين الفقر والقلة اليوم... واخيرا نتمنى من الله انه تكون هال14 سنة اللي مرينا فيهما درس مفيد للكل رغم قساوته تـابعونا على بقية المنصات..أهلا وسهلا بالجميع فيسبوك:   / stations111   انستجرام:  / stations.111   تيك توك: https://www.tiktok.com/@stations12?_t...