بعدما كلشي شد طريقو..عاد بانت ليها طريقها.شنو كانت الخطوة الأولى ديالها ؟

مدام عائشة تزوجات وهي صغيرة، وعطات حياتها كاملة لولادها. ونهار مشات بنتها الصغيرة لفرنسا، لقات راسها فجأة بوحدها فدار خاوية… سكات، فراغ، وإحساس بلي الدنيا ما بقاتش كدور عليها. فهاد الحلقة، كتحكي لينا بلا فلتر على هاد الفراغ اللي كتعيشو بزاف ديال الأمهات ملي كيكبرو الولاد ويخرجو من الدار، وكيفاش لقات الجهد باش دير الخطوة الأولى: تعاود تكتاشف راسها، تبني حياتها من جديد، وتبدا أخيراً تعيش لراسها. شهادة كتمس القلب لكل مرا نسات راسها وهي كتهلا فالناس… حيت عمر الوقت ما كيفوت باش تبداي من جديد.