عرس ليلة وحدة… و 4 سنين كريدي؟

فالعرس ديال ياسين، كانو 300 ضيف وكلاو كاملين… من غير واحد: العريس. ليلة وحدة، و48 طريطة. ولكن السؤال الحقيقي: هاد العرس كان ديال من؟ فهاد الحلقة من KOUN RAJEL، كنتبعو قصة ياسين وهاجر من الحساب اللول حتى آخر طريطة: الزيادات الصغيرة لي كتولي كريدي كبير، المفاوضات بين جوج عائلات، التبريحة لي كتسلم على كاع المدن… ونسات العرسان، و"الكريدي ديال الخاطر" لي كيبقى من بعد ما يسالي البنك. ومن بعد، كنقلبو على الحلول: الحساب بالمقلوب، الهضرة قبل الطريطة، والكوبلات لي كيتزوجو دابا… وكيديرو الحفلة من بعد. ماشي ضد العرس. ضد العرس لي كياكل العمر. نفهمو قبل ما نحكمو. ⏱️ الفصول 0:00 ما كلاش فعرسو 0:42 شحال كيتكلف العرس؟ 1:40 نهار واحد فالعمر 3:43 المفاوضات 8:09 العرس… ديال من؟ 10:02 الطريطة 11:37 الكريدي ديال الخاطر 12:02 التجربة لي دارتها كورونا 13:22 الزواج دابا… الحفلة من بعد 14:09 خففوها 15:04 شنو نقدر نتحكم فيه؟ 17:00 هادا هو العرس ديالنا 17:45 الحلقة الجاية 📊 المصادر والملاحظات المندوبية السامية للتخطيط، البحث الوطني حول الأسرة 2025 (النتائج نشرات فأبريل 2026): الأسباب المادية ديال تأجيل الزواج، دور العائلة فالزواج، والخطر ديال الطلاق فأول عامين. المندوبية السامية للتخطيط: عدد عقود الزواج قبل وفوقت كورونا. مدونة الأسرة، المادة 28: "والمطلوب شرعا تخفيف الصداق". دراستين أمريكيتين: Dew, Britt & Huston (2012) على الخصام على الفلوس، و Francis-Tan & Mialon (2015) على الكلفة ديال العرس والمدة ديال الزواج. هادي علاقات إحصائية فمجتمع آخر، ماشي أسباب، وما كننقلوهاش للمغرب كيفما هي. ما لقينا حتى رقم رسمي على الكلفة ديال العرس فالمغرب، وحتى دراسة مغربية كتقارن العرس الكبير والعرس الصغير. إلا كنتي كتعرف شي وحدة، صيفطها لينا. ياسين وهاجر شخصيات مركبة من قصص كثيرة. والتقاليد ديال كل مدينة كتختلف من عائلة لعائلة. قاعدة 10 حتى 15% رأي شخصي، ماشي دراسة. ⚠️ الجزء الديني تأمل شخصي. للأحكام والحالات الخاصة، سولو أهل العلم. 💬 سؤال الحلقة فمدينتكم… شكون كيخلص العرس؟ دار العريس ولا دار العروسة؟ وشنو هي الحاجة فالعرس لي كتشوفها زايدة… ولكن عارف راسك عمرك ما غادي تقدر تحيدها؟ 📺 الحلقات لي فاتو ما بغيتش نتزوج… ولا ما قدرتش؟ بغات تتزوج… علاش ما تزوجاتش؟ 🎙️ KOUN RAJEL بودكاست مغربي بالدارجة على الرجل، المسؤولية، الزواج والأسرة. نفهمو قبل ما نحكمو. 📸 Instagram : @kounrajel.ma #KounRajel #العرس #الزواج