S. Pausianlian- Itsiam Tuunnu

Covid19 hipi ziak a miteng abuai vek lai in ka nu naktak in hong damlou hi. Panlak theihna teng a pan kalak hang un lung cancer ana veia a tawpkhawk ana tungta ahihdan ka theih un ka mangbang petmah uhi. Dam zoulou ding ahi chih kithei mahleh kipak leh maitai in omzou den hi. Lamka Dist. Hospital a kal khat ka ompih zoh nung in kapawt ua 28th June, 2020 zan in hong beisan hi. A hong nutsiat zoh kal khat vaal bang Suunlua in lungsim mulmal neithei lou in ka oma huchi'n 11th July zan in hiai la mittui luang zung2 kawm in kon gelhkhia hi. Adiakin athunun line tawpna a ITSIAM TUUNNU MANGPHA chihna mun ka gelh lai in khovel a melmu kha nawnlou a mangpha khak mai ding ka geelchiang in khamzoh vuallouh in luankhi'n tuibang hon tuum hi. Simlei ah ka tuunnu meel mu nawnkei mahleng thangvan ah dawnbang ka tuak ngei ding chih ka thei hi. N. B: Atawpna pen ding in Nu&pate dam gegu pi a it thei nailou leh zahtak lou te'n zong tu akipan a ittak & duattak a akep sam ding uh ka thumna ahi. Doh is G Phuahni:11th July, 2020 Khimbang ziing e tuun aw khan a kiak ni’n, Zalmang hileh khang theibang lou nuam ing; Kulsin tang di’n aw hong phal theikei veng, Khouh theih hilechin hong khou nuam lai veng. Atom ngei maw..A tom ngei mai. Nunnop libang ching manlou a, Tuangnung non siah mai zaw lai ah na e, Itsiam tuunnu mangpha, zalmangpha maw! #Laidiip na e tuun aw khan a kiak mai, Kham kha’n ka veil oh hial ding bang zou e, Lei lungngaihna dahna thuak nawn lou in, Nang lah sianmang siang muangta ni chia maw? #Dai in dam lua e tuun aw I saauliim, Nang tellou in nunnop a kim thei lou, Na nua chiang ah malbang hong koukou veng, Kei ka heina peuh luankhi’n hong zel e. Kilbang khangpan nunnuam hei ding kisa’ng, Hizong phamna’n gibang hon khenta maw! Tuun aw thangvan sang I biak sianmang siang ah, Na vonte di’n thu hong ngetsak lai aw. Hiai nuai simlei ka zinna gamdai ah, Kei zuan heh hong nem ding singdang omlou, Heh hong nem di’n laukha siang hong leeng aw, Nang tellou in luankhi a thengmoh e. *PLIZ LIKE & SUBSCRIBE *