DD News Mizoram - Chanchinthar | 18 March 2024 | 6:30 PM

HEADLINES: 1. Larsap Dr. Haribabu Kambhampati chuan Raj Bhawan Durbar Hall-ah Lokayukta Chairperson thar atan Pu Lalmalsawma a la lut. 2. Aizawl Bawrhsap Nazuk Kumar, District Election Officer ni bawk chuan DC Conference Hall-ah Lok Sabha inthlan lo awm tur atana mipuite hriattur pawinawh leh inbuatsaihna thuthar lakhawmtute hmaah a sawi. 3. PC Party President Pu Vanlalruata chuan Lok Sabha inthlan lo awm tura an party candidate atan Pi Rita Malsawmi a nih thu an puang. 4. Tunhnaia LRM Hospital Aizawla Ruallung khaw naupang thih chungchangah Ruallung Village Council-te leh Tlawmngai pawl hrang hrang intelkhawmte chuan a thih chhan ni a damdawiin lamin an sawi chu pawm har an tih thu leh an beisei ang hmalakna an hmulo anih chuan a tul anga hmalak zel an tum thu an sawi. 5. Fisheries Department leh ICAR-CIFE, Kolkata Centre te tang kawp chuan ni thum awh tur ‘Modern Methods of Freshwater Aquaculture’ tih thupui a hmangin training an buatsaih. 6. Tlabunga zirlai pakhat, JNV Pukpui-a kallai chu he zirna ina lut ve tho hnam dang zirlaiten kut an thlak rawn niin, MZP Sub-Headquarters: Tlabung hruaitute chan an sawi a, Tlabung khawchhunga Chakma-te chu pawna chhuak lo turin an hriattir. 7. Central Bureau of Communication (CBC), Information and Broadcasting, Ministry Field Office, Aizawl chuan National Institute of Technology, NIT Mizoram, Chaltlangah Integrated Communication & Outreach Programme an hmang. 8. Lai Autonomous District Council, LADC Caretaker, Lawngtlai Bawrhsap Cheemala Siva Gopal Reddy chuan Department hrang hrang hotute kawmin thawhho puiah a sawm. 9. Serchhip District-a Khumtung khuaah tunhnaiah Bekang eisual an awm avangin Health Department hnuaia Food and Drugs Administration hotuten an enfiah. 10. Sorkar laipui chuan ram chhunga dengue hri dona atan ruahmanna felfai leh tha zawk neih a tul thu a puang. 11 Ni 3 awh tur Startup Mahakumbh chu vawiin atangin Bharat Mandapam, New Delhi-ah neih a ni. 12. Vladimir Putin chu a tum 5-na atan Russia President-ah thlan tlin a ni. 13. Indian Navy ten US Dollar mtd 1 hu bungraw phur lawng, MV Ruen suamtu mi 35 an man. 14. CUET-UG Exam chu National Testing Agency (NTA) in a lo puan tawh angin, May ni 15 leh ni 31 inkarah neih a ni ang. 15. Delhi Chief Minister Arvind Kejriwal chu Enforcement Directorate (ED) in Delhi Jal Board (DJB) sum tihchengpen thubuaia insawifiah tura a kohna ah a inlan lo. 16. Supreme Court chuan sum tihchingpen thubuaia inhnamhnawih Delhi Minister hlui Satyendar Jain an bail a chhuah a dilna a hnawlsak.