Зәкәрия Сағындықұлы. Былқылдақты. Сағыз.

Мұрат Көптілеуов ағамыз жыл сайын 31 мамыр - саяси қуғын-сүргін құрбандарын еске алу күні Былқылдақты елді-мекенінде 2013 жылы өз қолымен бастаған ақын, қоғам-қайраткері Зәкәрия Сағындықұлына арналған ескерткіш тақта мен саябақта баба аруағына арнап құран бағыштап, тал егу жұмыстарын жүргізеді. Бұл саябақта бұрын егілген талдардың көбі жеміс талдары. Бұл жолы Былқылдақтыға келген қонақтардың жөні бөлек. Еліміздің көрнекті қоғам қайраткері, меценат - Төкен Танаұлы, Қазақстан бизнесінің көшбасшысы - Жауғашты Нәбиев, тарих ғылымдарының кандидаты, профессор - Болат Жұмағұлов, ақын Зәкария Сағындықұлының немересі - Райгүл Хамитқызы, саяси қуғын-сүргін құрбаны Машырықтың немересі - Данабай Машырықов, саяси қуғын-сүргін құрбаны Әшір ахунның немересі - Кәдірбек Әбдікәрімұлы.