榮譽謀殺行李箱藏屍兩米地下【世界詭奇異聞錄 EP35】

榮譽謀殺行李箱藏屍兩米地下 捍衛榮譽壯烈犧聽得多，但為完全唔算榮譽的事殺人係咩一回事? 呢單發生喺2006年嘅英國倫敦「榮譽謀殺案」，係英國近代最轟動、最令人心寒嘅刑事案件之一。20歲嘅伊拉克庫德族少女巴納茲·馬哈茂德（Banaz Mahmod），明明五次主動向警方求救，清清楚楚講出自己面臨嘅死亡威脅，甚至寫下殺手名單，但警方漠視佢嘅警告，最終令佢死於親人手上。呢單案徹底揭露咗移民社區保守文化下嘅殘酷「家族榮譽暴力」，亦逼使英國警方同政府大規模改革相關執法同保護機制。 2006年1月24日，20歲嘅巴納茲喺倫敦南部米徹姆嘅寓所離奇失蹤，身邊所有人之中，第一個察覺唔對路、積極搵佢嘅，並唔係佢嘅家人，而係佢嘅男友拉赫馬特·蘇萊曼尼。 自從1月24日當日之後，拉赫馬特就徹底聯絡唔到巴納茲，電話永遠無人接、訊息全部冇回覆，佢即刻意識到大禍臨頭，第一時間報警求助。但當警方上門向巴納茲家人查詢嘅時候，佢父母同屋企人表現得異常平靜、冷漠到極點，仲刻意引導警方，話巴納茲只係私自離家出走、平時都會唔打招呼外宿，企圖掩蓋真相，令警方初期以為只係普通少女失蹤个案。 幸運嘅係，拉赫馬特從來冇放棄，不斷催促警方深入調查、反覆提醒警方巴納茲早前多次預告會被家族殺害，先至令案件唔會被草草結案。警方其後開始追查電話通聯記錄、車輛行蹤、涉案人士嘅人際關係，逐步發現巴納茲家人嘅口供漏洞百出，所有謊言一一拆穿... 詭奇異聞章節: 00:00 前言 01:28 失蹤三個月 藏屍行李箱 06:30 多次失職 屢次錯過求救 12:32 極度執著 所謂的「家族榮譽」 18:13 父親、叔叔主謀 三兄弟行凶 24:21 悲劇未了 案件後續