శివమహాపురాణం - Episode 38 | సతీదేవి శ్రీరాముడిని ఎందుకు పరీక్షించింది?

సతీదేవితో కలిసి దండకారణ్యానికి వచ్చిన పరమశివుడు, సీతా వియోగంతో దుఃఖిస్తున్న శ్రీరాముడిని చూసి ఆనందంతో నమస్కరించాడు. అందరిచేత పూజింపబడే పరమశివుడే శ్రీరాముడికి నమస్కరించడం చూసిన సతీదేవి మనసులో సందేహం కలిగింది. శ్రీరాముడు విష్ణువు యొక్క పూర్ణాంశతో అవతరించినవాడని శివుడు స్వయంగా వివరించినప్పటికీ, ఆయన మాటలపై సతీదేవికి పూర్తి నమ్మకం కుదరలేదు. చివరకు శివుని అనుమతితో శ్రీరాముడిని స్వయంగా పరీక్షించి తన సందేహాన్ని తొలగించుకోవాలని సతీదేవి నిర్ణయించుకుంది. శివుడు శ్రీరాముడికి నమస్కరించడానికి కారణమేమిటి? సతీదేవి మనసులో సందేహం ఎందుకు కలిగింది? ఈ విశేషమైన శివలీలను ఈ ఎపిసోడ్‌లో తెలుసుకుందాం.