#Jayadeva’s Gita Govindam #Ashtapadi-5 #Thodi

Ragam: Thodi Adi: Adi Viharati vane Rādhā, sādhāraṇa-praṇaye Harau, Vigalita-nijotkarṣāt, īrṣyā-vaśena gatānyataḥ। Kvacid api latā-kuñje guñjan madhuvrata-maṇḍalī, Mukharita-śikhare līnā dīnāpy uvāca rahaḥ sakhīm॥ 1. Sañcarad-adhara-sudhā-madhura-dhvani- mukharita-mohana-vaṃśam Calita-dṛg-añcala-cañcala-mauli- kapola-vilola-vataṃsam Rāse Harim iha vihita-vilāsaṃ Smarati mano mama kṛta-parihāsam ॥1॥ 2. Candraka-cāru-mayūra-śikhaṇḍaka- maṇḍala-valayita-keśam Pracura-purandara-dhanur-anurañjita- medura-mudira-suveśam Rāse Harim iha vihita-vilāsaṃ Smarati mano mama kṛta-parihāsam ॥2॥ 3. Gopa-kadamba-nitamba-vatī-mukha- cumbana-lambhita-lobham Bandhujīva-madhurādhara-pallava- kalita-dara-smita-śobham Rāse Harim iha vihita-vilāsaṃ Smarati mano mama kṛta-parihāsam ॥3॥ 4. Vipula-pulaka-bhuja-pallava-valayita- vallava-yuvati-sahasram Kara-caraṇorasi-maṇigaṇa-bhūṣaṇa- kiraṇa-vibhinna-tamisram Rāse Harim iha vihita-vilāsaṃ Smarati mano mama kṛta-parihāsam ॥4॥ 5. Jalada-paṭala-calad-indu-vinindaka- candana-bindu-lalāṭam Pīna-payodhara-parisara-mardana- nirdaya-hṛdaya-kavāṭam Rāse Harim iha vihita-vilāsaṃ Smarati mano mama kṛta-parihāsam ॥5॥ 6. Maṇimaya-makara-manohara-kuṇḍala- maṇḍita-gaṇḍam-udāram Pīta-vasanam-anugata-muni-manuja- surāsura-vara-parivāram Rāse Harim iha vihita-vilāsaṃ Smarati mano mama kṛta-parihāsam ॥6॥ 7. Viśada-kadamba-tale militaṃ kali- kaluṣa-bhayaṃ śamayantam Mām api kim api taraṅgad-anaṅga- dṛśā vapuṣā ramayantam Rāse Harim iha vihita-vilāsaṃ Smarati mano mama kṛta-parihāsam ॥7॥ 8. Śrī-Jayadeva-bhaṇitam ati-sundara- mohana-madhuripu-rūpam Hari-caraṇa-smaraṇaṃ prati samprati puṇyavatām anurūpam Rāse Harim iha vihita-vilāsaṃ Smarati mano mama kṛta-parihāsam ॥8॥