जय ईष्ट कुल देवता दूधा धारी नृसिंह भगवान /गढवाली गीत /भजन संजय कृष्ण ध्यानी

और नाम झूठा राम कु नाम सांचो...दूधाधारी बाबा मेरू नृसिंह भगवान,विष्णु अवतारी मेरू नृसिंह भगवान ,कुल कु देवता मेरू नृसिंह भगवान परचा धारी देवता मेरू नृसिंह भगवान.... ध्यान धरीले रे बाबा ,ध्यान धरीले, तेरू बाघम्बरी आसण, ध्यान धरीले, तेरी खरूवा की झोळी, ध्यान धरीले, हे सदगुरू का चेला , ध्यान धरीले , हे गौरू गोरख का चेला.......... 2- छलबली नारैण मेरू नृसिंह भगवान,न्याय कु देवता मेरू नृसिंह भगवान,भक्त वत्सल नारैण मेरू नृसिंह भगवान, खंबा फाडी प्रकटे जु नृसिंह भगवान, ध्यान धरीले , ध्यान धरीले,तेरू नैपाळी चमटा, ध्यान धरीले, तेरी हनुमंती संगुळ, ध्यान धरीले तेरी हनुमंती गदा,ध्यान धरीले, हे सदगुरू का चेला, ध्यान धरीले, हे गुरू धुनी का चेला , ध्यान धरीले, रे बाबा ध्यान धरीले...... दूध फूल लेंदु मेरू नृसिंह भगवान, रोट खांड खांदु मेरू नृसिंह भगवान, सुख संपदा देंदु मेरू नृसिंह भगवान,भक्ति मुक्ति देंदु मेरू नृसिंह भगवान.,ध्यान धरीले रे बाबा ध्यान धरीले, हे नौ खोळी का नाग , ध्यान धरीले,हे दस खोळी का बाघ, ध्यान धरीले,हे लगौण्या पठौण्या, ध्यान धरीले,तेरा बावनी का बेडा,ध्यान धरीले,तेरा चौवनी का चेडा, ध्यान धरीले,हे मर्दु का बोल्यान , ध्यान धरीले , तू लाठु नी लंघदे, ध्यान धरीले, हे ध्याणीयूं का बोल्यान , ध्यान धरीले , तेरी नौ कोस की फाळ , ध्यान धरीले... दूधाधारी बाबा मेरू नृसिंह भगवान ,विष्णु अवतारी मेरू नृसिंह भगवान , कुल कु देवता मेरू नृसिंह भगवान , परचाधारी देवता मेरू नृसिंह भगवान .... रचना/ संकलन /स्वर -संजय कृष्ण ध्यानी , दया भवन सुद्धौवाला देहरादून.उत्तराखंड