قصيدة : الميّت الحي | كلمات فزاع

قصيدة : الميّت الحي شعر : الشيخ حمدان بن محمد آل مكتوم كم أشعر بمتعه إلى صرت بلحـالي على شـفاتي دعاءْ والأرض سجّـاده والشعر في الميّت اللي حي يحلالي كما حلا شعر عاشق في هوى غـاده محتاج صاحب يقدّر مجمل احوالي ماهو على الظن ، فوق الظن وزياده يدري عن الحاجه اللي دارت فْـ بالي ويدرك حقيقة شعور الحزن وابعاده الوعـي .. رافـد مهم لدعـم الآمـالي والنصر .. يحتاج دعم وفكر وقيـاده يا قصر زعبيـل شكلك فاقـدٍ غـالـي عضـيد شيـخٍ تـفاخـر باسمه بـلاده مرّيت قصره وحسّـيت القصـر بالي لو كان قصـره يفاخـر بالذي شــاده يشـاركـك أوّل الأحــــزان و التالـي تقول ميعـاد حـزنك نفـس ميعـاده حـدايقـه بالنخـيل الباسـق العـالي إللي مَـعَ رقّــة النسـنـاس منقـــاده أحيـد عصفـــورها لا جيـت غنّى لي واليوم عصفـورها ليسَ كما العـاده من يحسب الحزن وقفه فوق الاطلالي قولوا له الحـزن حاجه غير معتـاده الحـزن ذكـره معي في كل ترحالـي والى لقيت الحزين ، احاول اسعاده ما قلت أبـويـه ولا عمّـي ولا خـالي لو كلّـهم في ميـادين الفـخـر سـاده لكن .. أفاخــر بهم وآثـبّـت افـعـالي وش قيمة الرجل لو مايصنع امجاده