شيلة الحزن خيمّ - مرثية خالد آل بريك💔 | الناس هجعا واسود الليل ضافي | جديد 2021

مرثية الشيخ : ناصر بن مهنا العزه السبيعي كلمات : نواف عبدالرحمن بن وضحان أداء المنشد : خالد آل بريك تصميم : سعود البقمي 0502927899 الابيات جتني مكاتيب الهواجيس هراب الناس هجعا واسود الليل ضافي وتقول يانـواف وش فيك منصاب اكتب و اعبر ما تكن الخوافي الحزن خيمّ واعتنز فوق الاطناب رد الخبر ماهوب والله عوافي دمع العيون وعض الإبهام بالناب خلا الفراق وودع الدار وافي راح الذي يتعب مدايح وكتاب فيه الكلام الجزل دايم يشافي ابن مهنا لأسمه تهون الاصعاب يجبر كسر ضعف القلوب السخافي ابن مهنا للفناجيل شراب اسمً على ماظن مافيه اختلافي اسم الثنا رمز الفخر نفح الاطياب والله يبيحه عد ما احرم وطافي مرحوم ياعودً فتح للفخر باب مرحوم ياقلب بالإيمان صافي مرحوم ياللي كاسب رضا اجناب وأصحاب مرحوم يا مرضي عقولً اخفافي طيبه شهر من غير ربعه فالاجناب لا قلت حراب الردى قيل كافي بين صروح العز في راس مرقاب تندا كفوفه و الليالي اعجافي ناصر صليب الراس فكاك الرقاب يثني و ياقف ما يمل الوقافي للمرجله سيلً تنحى بـ محناب زيزومها لا صار فيها اخلافي فرقاه ماهزت ربوعه والاقراب فرقاه هزت كل راس اسنافي ماغاب لونه عن المجتمع غاب عقبه عياله معتلين الشعافي للطيب ذا طامع وهذاك طلاب مع درب ابوه ماسفته السوافي