പാലപ്പൂര് ഹോളിക്രോസ് ദേവാലയ 102-ാമത് തിരുനാൾ കൊടിയേറ്റ്: ഫാ. യൂജിൻ ബ്രിട്ടോ നിർവഹിച്ചു

പാലപ്പൂര് ഹോളിക്രോസ് ദേവാലയത്തിൽ 102-ാമത് തിരുനാൾ മഹോത്സവത്തിന് ഭക്തിസാന്ദ്രവും ഐക്യപൂർണ്ണവുമായ തുടക്കം! ചരിത്രപ്രസിദ്ധമായ പാലപ്പൂര് ഹോളിക്രോസ് ദേവാലയത്തിലെ 102-ാമത് വാർഷിക തിരുനാൾ മഹോത്സവത്തിന് ഭക്തിനിർഭരമായ ചടങ്ങുകളോടെ കൊടിയേറി. ഇടവക വികാരി ബഹുമാനപ്പെട്ട ഫാദർ യൂജിൻ ബ്രിട്ടോയുടെ മുഖ്യകാർമ്മികത്വത്തിലാണ് കൊടിയേറ്റ് കർമ്മങ്ങൾ നിർവ്വഹിക്കപ്പെട്ടത്. സാഹോദര്യത്തിന്റെയും സമത്വത്തിന്റെയും മതേതര പാരമ്പര്യത്തിന്റെയും ഉദാത്ത മാതൃക തീർത്തുകൊണ്ട്, വിവിധ സമുദായങ്ങളിൽ നിന്നുള്ള ആത്മീയ ആചാര്യന്മാരും, ഇടവകയിലെ തിരഞ്ഞെടുക്കപ്പെട്ട വ്യക്തികളും ഈ പുണ്യനിമിഷത്തിൽ ഒത്തുചേർന്നു. സമാധാന ദൂതകനായ വിശുദ്ധ ഫ്രാൻസിസ് അസീസിയുടെ 800 ആം ചരമ വാർഷികത്തിന്റെ പ്രധീകമായി വിവിധ മതമേലത്യക്ഷൻമാർ സമാധാനത്തിന്റെ പ്രധീകമായി ഒലിവിൻ തൈ ദേവാലയംഗണത്തിൽ നടുകയുണ്ടായി. ചടങ്ങിൽ പങ്കെടുത്ത വിശിഷ്ട സാന്നിധ്യങ്ങൾ: പാച്ചല്ലൂർ ഇമാം അബ്ദുൾ സലാം മൗലവി കുന്നുംപാറ മഠാധിപതി ബോധി തീർത്ഥ സ്വാമി ബ്രഹ്മചാരി വിശുദ്ധ ചൈതന്യ പാളയം കത്തീഡ്രൽ വികാരി മോൺ വിൽഫ്രഡ് തിരുവനന്തപുരം ലത്തീൻ അതിരൂപത മിനിസ്ട്രി കോർഡിനേറ്റർ റവ. ഡോ. ലോറൻസ് കുലാസ് പൂങ്കുളം CSI വികാരി റവ. ഫാ. റെജിനാൾഡ് സമൂഹത്തിൽ സ്നേഹവും ഐക്യവും സാഹോദര്യവും ഊട്ടിയുറപ്പിക്കുന്ന സന്ദേശം പകർന്നു നൽകിയ ഈ അപൂർവ്വ സംഗമം തിരുനാൾ ആഘോഷങ്ങൾക്ക് ഇരട്ടി മധുരം പകർന്നു. വരും ദിവസങ്ങളിൽ നടക്കുന്ന വിശുദ്ധ കുർബാനകൾ, നൊവേന, പ്രാർത്ഥനാ ശുശ്രൂഷകൾ, തിരുനാൾ പ്രദക്ഷിണം, സാംസ്കാരിക സമ്മേളനങ്ങൾ എന്നിവയിലേക്ക് എല്ലാ വിശ്വാസികളെയും സ്നേഹപൂർവ്വം സ്വാഗതം ചെയ്യുന്നു.