Астанада ер адам әйелін өлтіріп, кейін өзіне қол салды

Арнаға тіркел / Подпишись на канал:    / @thesevennews   Астанада ерлі-зайыптылар арасындағы жанжал қайғылы жағдаймен аяқталды. Қанды қылмыс үйдің 14 жастағы баласының көз алдында болған. Оған қазір психологиялық көмек көрсетіліп жатыр. Полиция тергеуді бастады. ИНАРА БАРСАҚБАЕВА, ТІЛШІ: Дәл осы пәтерде ерлі-зайыптылар арасында жанжал шығып, арты қайғылы жағдайға ұласқан. Көршілердің айтуынша, түнгі сағат ондар шамасында осы үйден айқай-шудың дауысы естілген. Полицияның мәліметінше, отбасылық жанжал кезінде ер адам әйеліне пышақ жарақатын салып, кейін өзіне қол салған. Еденде әлі қанның ізі бар. Қазір оқиғаның барлық мән-жайы анықталып жатыр. Көршілері сол түні болған жағдайды әлі ұмыта алар емес. Олар әйел адамның көмек сұрап айқайлаған дауысын естіген. Көршілер бұл отбасында жанжалдың жиі болып тұратынын айтады. Тіпті бұған дейін де ерлі-зайыптылармен сөйлесіп, жағдайды ушықтырмауды сұраған. БАҒЖАМАЛ КЕШІРБАЕВА, КӨРШІ: Ол үйде жанжал жиі болып тұратын. МИБ-тің бастығымен бірге бәріміз барып, бір рет ескерту жасағанбыз. «Полиция шақырмай-ақ қояйық, қойыңыздар. Үлкен адамсыздар ғой», - деп айтқанбыз. Ол кісі алкоголь ішеді екен. Әйелі полиция шақырып, екі күнге қаматып қойыпты, содан күйеуі қайтып келгеннен кейін жанжал шығарған сияқты. Марқұмдардың артында бес баласы қалды. Олардың біреуі кәмелетке толмаған. Көршілердің айтуынша, қанды оқиға ерлі-зайыптылардың 14 жастағы баласының көзінше болған. Балалардың құқықтарын қорғау комитетінің мәліметінше, жасөспірімге психологтар көмек көрсетіп жатыр. Қазір ол туыстарымен бірге. Ал полиция бұл дерек бойынша қылмыстық іс қозғаған. ЭЛЬМИРА ШӘУЛЕНОВА, ПД БӨЛІМ БАСТЫҒЫ: Анықталғандай, ерлі-зайыптылар арасындағы жанжал барысында 55 жастағы ер адам 53 жастағы әйеліне пышақ жарақатын салған. Кейін өзіне қол жұмсаған. Алған жарақаттарынан екеуі де оқиға орнында көз жұмды. Қазіргі таңда оқиғаның барлық себебі мен мән-жайын анықтауға бағытталған тергеу амалдары жүргізілуде. Полиция ерлі-зайыптылар арасындағы жанжалдың нақты неден болғанын анықтап жатыр. Еске сала кетейік, осы аптада Астанада әйел адам 15-қабаттан құлап, бала жатқан арбаның үстіне түсті. Оқиғадан кейін екеуі де қайтыс болды. --------------------------------------------- Официальный сайт «Седьмого канала» https://tv7.kz/ru/ Instagram:   / tv7_kz   TikTok:   / tv7_kz   Facebook:   / tv7kz   Telegram: https://t.me/tv7_kaz #Жаңалықтар #жаңалықтар2026 #жаңалықтаржетіншіарна #Жетіншіарна #седьмойканал #7канал