Urdu Poetry of Kaif Bhopali | Urdu Podcast Main Shayar Toh Nahin

Kafi Bhopali was a popular Urdu Poet & lyricist. His ancestors had moved from Kashmir to Lucknow and then to Bhopal. He also wrote songs for films. Chalo Dildar Chalo sung by Mohd. Rafi, in Kamal Amrohi's 1972 classic, Pakeezah was written by him. He also wrote some popular ghazals that were sung by Jagjit Singh. Kaif Bhopali's daughter Parveen Kaif is a noted poet who participates in mushairas. Kaif Bhopali Real name Khwaja Mohammed Idrees   Born: 20 February 1917 | Lucknow Pradesh, India  Died: 24 July 1991 | Bhopal Madhya Pradesh, India   Abdul Raoof Siddiqui    email: raoof3@yahoo.com    Instagram @urdu.ghazal    Visit our website: www.mstn.in terā chehra kitnā suhānā lagtā hai tere aage chāñd purānā lagtā hai tirchhe tirchhe tiir nazar ke lagte haiñ sīdhā sīdhā dil pe nishānā lagtā hai aag kā kyā hai pal do pal meñ lagtī hai bujhte bujhte ek zamānā lagtā hai paañv nā bāñdhā, panchhī kā par bāñdhā aaj kā bachcha kitnā siyānā lagtā hai sach to ye hai, phuul kā dil bhī chhalnī hai hañstā chehra ek bahānā lagtā hai sunñe vaale ghanToñ sunte rahte haiñ merā fasāna,, sab kā fasānā lagtā hai 'kaif' batā, kyā terī ġhazal meñ jaadū hai bachcha bachcha terā divānā lagtā hai ============= haa.e logoñ kī karam-farmā.iyāñ tohmateñ, badnāmiyāñ, rusvā.iyāñ zindagī shāyad, isī kā naam hai dūriyāñ, majbūriyāñ, tanhā.iyāñ kyā zamāne meñ, yuuñ hī kaTtī hai raat karvaTeñ, betābiyāñ, añgḌā.iyāñ kyā yahī hotī hai, shām-e-intizār āhaTeñ, ghabrāhaTeñ, parchhā.iyāñ ek rind-e-mast, kī Thokar meñ haiñ shāhiyāñ, sultāniyāñ, dārā.iyāñ ek paikar meñ simaT kar, rah ga.iiñ ḳhūbiyāñ, zebā.iyāñ, rānā.iyāñ rah ga.iiñ, ik tifl-e-maktab, ke huzūr hikmateñ, āgāhiyāñ, dānā.iyāñ zaḳhm dil ke, phir hare karne lagīñ badliyāñ, barkhā ruteñ, purvā.iyāñ dīda-o-dānista, un ke sāmne laġhzisheñ, nākāmiyāñ, paspā.iyāñ mere dil kī, dhaḌkanoñ meñ, Dhal ga.iiñ chūḌiyāñ, mausiqiyāñ, shahnā.iyāñ un se mil kar, aur bhī kuchh baḌh ga.iiñ uljhaneñ, fikreñ, qayās-ārā.iyāñ 'kaif' paidā kar, samundar kī tarah vus.ateñ, ḳhāmoshiyāñ, gahrā.iyāñ ======= kaun aa.egā yahāñ koī na aayā hogā merā darvāza havāoñ ne hilāyā hogā dil-e-nādāñ na dhaḌak, ai dil-e-nādāñ na dhaḌak koī ḳhat le ke, paḌosī ke ghar aayā hogā is gulistāñ kī yahī riit hai, ai shāḳh-e-gul tū ne jis phuul ko paalā, vo parāyā hogā dil kī qismat, hī meñ likkhā thā añdherā shāyad varna masjid kā diyā, kis ne bujhāyā hogā gul se lipTī huī, titlī ko girā kar dekho āñdhiyo tum ne, daraḳhtoñ ko girāyā hogā khelne ke liye, bachche nikal aa.e hoñge chāñd ab, us kī galī meñ utar aayā hogā 'kaif' pardes meñ, mat yaad karo apnā makāñ ab ke bārish ne use, toḌ girāyā hogā terā chehra, sub.h kā taarā lagtā hai sub.h kā taarā, kitnā pyārā lagtā hai tum se mil kar, imlī mīThī lagtī hai tum se bichhaḌ kar, shahad bhī khārā lagtā hai raat hamāre saath tū jaagā kartā hai chāñd batā tū, kaun hamārā lagtā hai kis ko ḳhabar, ye kitnī qayāmat Dhātā hai ye laḌkā jo, itnā bechāra lagtā hai titlī chaman meñ, phuul se lipTī rahtī hai phir bhī chaman meñ, phuul kañvārā lagtā hai ====== ham ko divāna jaan ke, kyā kyā zulm na Dhāyā logoñ ne diin chhuḌāyā, dharm chhuḌāyā, des chhuḌāyā logoñ ne terī galī meñ aa nikle the, dosh hamārā itnā thā patthar maare, tohmat bāñdhī, aib lagāyā logoñ ne terī laToñ meñ so lete the be-ghar āshiq, be-ghar log būḌhe bargad aaj tujhe bhī, kaaT girāyā logoñ ne nūr-e-sahar ne, nik.hat-e-gul ne, rañg-e-shafaq ne, kah dī baat kitnā kitnā merī zabāñ par, qufl lagāyā logoñ ne 'mīr-taqī' ke, rañg kā ġhāza, rū-e-ġhazal par aa na sakā 'kaif' hamāre 'mīr-taqī' kā, rañg uḌāyā logoñ ne ========== na aayā maza shab kī tanhā.iyoñ meñ sahar ho ga.ī chand añgḌā.iyoñ meñ na rañgīniyoñ meñ na rānā.iyoñ meñ nazar ghir ga.ī apnī parchhā.iyoñ meñ mujhe muskurā muskurā kar na dekho mire saath tum bhī ho rusvā.iyoñ meñ ġhazab ho gayā un kī mahfil se aanā ghirā jā rahā huuñ tamāshā.iyoñ meñ mohabbat hai yā aaj tark-e-mohabbat zarā mil to jaa.eñ vo tanhā.iyoñ meñ idhar aao tum ko nazar lag na jaa.e chhupā luuñ tumheñ dil kī gahrā.iyoñ meñ are sunñe vaalo ye naġhme nahīñ haiñ mire dil kī chīḳheñ haiñ shahnā.iyoñ meñ vo ai 'kaif' jis din se mere hue haiñ to saarā zamāna hai shaidā.iyoñ meñ ======== salām us par agar aisā koī fankār ho jaa.e siyāhī ḳhuun ban jaa.e qalam talvār ho jaa.e zamāne se kaho kuchh sā.iqa-raftār ho jaa.e hamāre saath chalne ke liye tayyār ho jaa.e zamāne ko tamannā hai tirā dīdār karne kī mujhe ye fikr hai mujh ko mirā dīdār ho jaa.e vo zulfeñ saañp haiñ be-shak agar zanjīr ban jaa.eñ mohabbat zahr hai be-shak agar āzār ho jaa.e mohabbat se tumheñ sarkār kahte haiñ vagarna ham nigāheñ Daal deñ jis par vahī sarkār ho jaa.e ====== ======= sāmne vo haiñ zulf bikhere kitne hasīñ haiñ aaj andhere ham to haiñ tere pūjne vaale paañv na paḌvā tere mere dil ko churāyā ḳhair churāyā aañkh churā kar jā na luTere  #urdupoetry #kaifbhopali