Ana Kiro presentadora do “Luar” | 2002 - TVG

Ana Kiro será unha presentadora de excepción no “LUAR” número 399. Ao longo do espazo Ana Kiro conectará en directo con Xosé Ramón Gayoso en diferentes ocasións. Gayoso estaba en Nova York para recoller un premio e desde alí daranos a coñecer curiosidades e grupos folclóricos galegos creados na cidade dos rañaceos. Dáse a casualidade que neste programa Ana Kiro presenta a concursante Lucía Pérez, que vai actuar na final de “Canteira de Cantareiros”. Esa noite, Lucia Pérez, representante de España no Festival de Eurovisión 2011, gañou o concurso “Canteira de Cantareiros” e recibiu o premio das mans de Ana Kiro. Daquela, Lucía Pérez estudaba segundo de bacharelato.