Sheikh Mahmoud Asomewa Utenzi BAZO na Ustadh Ibrahim Ibun Issa Shadhuly

Ustadh Ibrahim Ibun Issa Akimsomea Ushairi Ama Tenzi Sheikhe Mahmoud Ibun sheikh Nuruddin Shadhuly UTENZI Hivi leo tupo Bazo, Twamswalia nabia Twafata maelezokezo ,Tumetia zetu nia Haya yote ni muongozo ,Kwa mola sijakosea. *Tumswalie mtume popote Pale tulipo* Tunasoma maulidi Na mafunzo twapokea Ya mtume muhammad (s.a.w) , sote twayazingatia na nyuma hatutarudi , Thawabu tunatarajia *Tumswalie mtume popote Pale tulipo* Twawapenda masharifu, Nyoyoni wametuingia Wazaane maradufu ,Waenee hii dunia Sifu zao nadhwifu ,Wajukuu wa nabiya *Tumswalie mtume popote Pale tulipo* Sheikhe wetu mahamudu,Wetu kwa uchache naelezea Ni mtu sheikhe wetu ,Twariqa shadhuliya Twamuomba mola wetu kheri ,Nyingi amjazia Ndie swahibul maqam, Shadhuly inatawalia Hekima yake adhwimu , Allah amemjaalia Ewe mola mpe dawamu, Umri kumzidia *Tumswalie mtume popote Pale tulipo* Kwetu sisi ni mlezi, Tena aso pendelea Kisha ndie kiongozi,Mashariki yote pia Anaongoza jahazi,Peponi twende ingia *Tumswalie mtume popote Pale tulipo* Twamshukuru jalia kwake tukielekea, Na mtume maridhia sote tukimswalia Na ahali zake kwingia , Na swahaba wote pia *Tumswalie mtume popote Pale tulipo* Na Masheikh na Ma ustadh, Sisi na wazazi pia Thawabu sote tupate ,Peponi Twende ingia *Tumswalie mtume popote Pale tulipo* Na Masheikh na Ma ustadh,Nawataja wote Jumia Swirata chafu zitupite, Sisi na wazazi pia Thawabu sote tupate, Peponi twende ingia *Tumswalie mtume popote Pale tulipo* Na mwisho twajiombea, Sote tuliyohudhuria Isilamu kuenea, Kwa ibada kuenea *Tumswalie mtume popote Pale tulipo* Tamati nimefikia,Mbele sito endelea Naomba kukuniridhia,Kosa sikukusudia Udhaifu nimejaa ,Ndio maana nimekosea IBRAHIM IBUN ISSA SHADHULY