【劇透影評】《Look Back驀然回首》真人版大平反！是枝裕和拍出自己版本的《Look Back》

是枝裕和將藤本樹短篇漫畫《Look Back》搬上大銀幕，表面上係一次由漫畫到真人電影嘅改編，但今次最有意思嘅地方，未必係片長、導演風格，甚至唔係「還原得似唔似」，而係真人電影獨有嘅「Capture」。 漫畫可以創造畫面、空間同節奏，動畫亦可以重新建構一個世界；但真人電影可以真正捕捉演員、場景、光線、聲音、四季，以及某一個曾經存在過嘅瞬間。 今次是枝裕和特別以菲林拍攝，分季記錄秋田景色，亦加入大量漫畫創作細節、聲音設計、藤野與京本共同生活嘅片段。究竟呢啲新增內容對故事有咩作用？真人版又點解會比原作同動畫多一重距離感？ 今集會逐點拆解真人版重要改動，包括小學藤野、家庭戲、雨中場面、漫畫創作、秋田四季、男鹿和雄畫集、京本學美術，以及最後真人轉動畫嘅一幕，睇下是枝裕和究竟點樣用自己嘅電影語言重新理解《Look Back》。