獨家・飛常日誌II丨馬國明帶隊機場快閃宣傳 洪永城暖男行為令太太呷醋

獨家・飛常日誌II丨馬國明帶隊機場快閃宣傳 洪永城暖男行為令太太呷醋 馬國明、洪永城、倪樂琳、鍾柔美Yumi 同 張馳豪Aska 以新劇《飛常日誌II》角色造型現身機場快閃宣傳，洪爺亦延續劇中嘅鬼馬談吐，氹得大家不知幾開心。大隊所到之處吸引大批旅客同市民圍觀，而一眾演員又有求必應，同大家打卡影相留念，馬明都讚大家相當熱情，佢又話唔少人大讚洪爺靚仔，不過洪爺話本身佢係最靚仔機場保安，但而家已經交咗棒畀Aska。 myTV SUPER重溫《飛常日誌II》精彩內容 https://www.mytvsuper.com/tc/programm... 首次着上空姐制服嘅Yumi，每晚都追睇劇集，佢大讚演員們默契十足，拍攝出來效果又靚又好睇。倪樂琳跟Yumi同樣以空姐造型示人，佢話今次一嘗空姐髮型，因為拍攝時係飾演地勤，髮型係有分別。 馬明亦表示有捧自己場睇足咁多集，講到故事亮點，佢不得不讚洪爺呢位暖男。洪爺透露太太為佢戲中暖男態度而呷醋，投訴佢平日無用呢個態度，洪爺立即啟動求生意志技巧，話往後幾十年都會照顧太太日常事宜。 #獨家 #飛常日誌II #馬國明 #洪永城 #倪樂琳 #鍾柔美 #張馳豪 #機場 #快閃 #靚仔 #接棒 #空姐 #默契 #暖男 #太太 #呷醋#TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0