მთავრობა ფიზიკური პირის ქონების გადასახადის გადახედვას გეგმავს - როგორ უნდა შეიცვალოს მოდელი?

მთავრობა ფიზიკური პირის ქონების გადასახადის გადახედვას გეგმავს. ხელისუფლებაში უკვე ალაპარაკდნენ იმაზე, რომ აღნიშნული გადასახადის ზღვარი მოძველებულია და ის გაზრდას საჭიროებს. დღეს მოქმედი კანონის თანახმად, თუ ფიზიკურ პირს ავტომობილი, სახლი ან სხვა უძრავი ქონება აქვს და ამასთანავე, ოჯახის წინა წლის წლიური შემოსავალი ჯამურად, 40 000 ლარს აღემატება, პირი ვალდებულია ქონების გადასახადი გადაიხადოს. აღსანიშნავია, რომ 2023 წლიდან, ფინანსთა სამინისტრო აცხადებს, რომ ქონების გადასახადის რეფორმის ე.წ. "ესტონურ მოდელზე" მუშაობენ და რეგულირების გავლენის შეფასების დოკუმენტიც მზად აქვთ, მაგრამ ამ დრომდე ინიციატივას კანონპროექტის სახე არ მიუღია. გუშინ პარლამენტის საფინანსო-საბიუჯეტო კომიტეტის თავმჯდომარემ, პაატა კვიჟინაძემ BMG-ის განუცხადა, რომ ქონების გადასახადი მიმდინარე საშემოდგომო სესიაზე შეიცვლება, იქამდე, ვიდრე მოქალაქეებს მისი დეკლარირება მოუწევთ. როგორც პაატა კვიჟინაძე განმარტავს ამჟამად ახალი ზღვარი ან გადასახადის სრული განახლებული კონფიგურაცია ჯერ შეთანხმებული არაა და განხილვის პროცესშია ოთხი შესაძლო მოდელი, რომელიც არსებულ ქონების გადასახადს ჩაანაცვლებს. როგორ უნდა შეიცვალოს ქონების გადასახადის მოდელი და საჭიროებს თუ არა სხვა გადასახადებიც მოდიფიცირებას? სტუმარი: ირაკლი შავიშვილი - საგადასახადო ექსპერტი