Khit Thit Evening News | 10 September 2026

Khit Thit သတင်းဌာန၏ စက်တင်ဘာ ၁၀ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ စက်တင်ဘာ ၁၀ ရက် ညနေပိုင်း တင်ဆက်ပေးမယ့် သတင်းတွေကတော့ နိုင်ငံတကာရာဇဝတ်ခုံရုံး-ICC အဖွဲ့ဝင် ကမ္ဘောဒီးယားနိုင်ငံအနေနဲ့ စစ်ရဇဝတ်မှုကျူးလွန်ထားရာ မင်းအောင်လှိုင်ကို ကြိုဆိုတာမျိုးထက် ICC တရားရုံးကို ဖမ်းဆီးလွှဲပြောင်းဖို့လူ့အခွင့်အရေးအဖွဲ့ Fortify Rights က တောင်းဆိုလိုက်ပါတယ်။ အကြမ်းဖက် စစ်တပ်က ကချင်ပြည်နယ်ကို ရှေ့တန်းထွက်နေတဲ့ သူတို့စစ်တပ်ရဲ့ တပ်မ ၃၃ လက်အောက်ခံ တပ်တွေအတွက် ဂါထာ၊ မန္တန်၊ အစီအရင်တွေ စီရင်ပေးပြီး နောက်ချန်တပ်ရင်းတွေ မှာလည်း ပရိတ်၊ ပဌာန်းတွေ ရွတ်ဖတ်ခိုင်းပြီးတော့ ကုသိုလ်ကောင်းမှုတွေ လုပ်ခိုင်းနေတယ်လို့ CDM ဗိုလ်ကြီး ဇင်ယော်က ရန်ကုန်ခေတ်သစ်ကို ပြောလာပါတယ်။ နေပြည်တော်မှာ စစ်တပ်ပြည်ထဲရေးဝန်ကြီးရဲ့ ကိုယ်ရေးအရာရှိ ဗိုလ်ကြီး ဝင်းနိုင်ထွန်း မောင်းနှင်လာတဲ့ ကားနဲ့ တိုက်မိတဲ့ဖြစ်စဉ်အတွင်း သေဆုံးသွားသူ ဒုတိယဗိုလ်မှူးကြီး အောင်ဟိန်းထွန်း ကပဲ ဆိုင်ကယ်မစီးရ စည်းကမ်းဖောက် ဖျက်မှုနဲ့ သေဆုံးသူကတောင် ပင်စင်လစာ ထပ်မံ ဆုံးရှုံးနိုင်တယ်လို့ CDM ဗိုလ်ကြီးဇင်ယော်က ရန်ကုန်ခေတ်သစ်ကို ပြောလာပါတယ်။ အရှေ့အလယ်ပိုင်းမှာ အမေရိကန်နဲ့ အီရန်ကြားဖြစ်ပွားနေတဲ့ စစ်ပွဲမှာ တောင်ကိုရီးယားအစိုးရအနေနဲ့ မပါဝင်ဖို့ တောင်ကိုရီးယားပြည်သူတွေက ဆန္ဒပြ တောင်းဆိုလာတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။