任劍輝 芳艷芬 陳好逑 周海棠 唱片(完整)靚聲+電影版 梁祝恨史《樓臺會》1958 撰曲.潘一帆 吳一嘯

香港粵劇電影《梁祝恨史》由植利影業於1958年出品，1958年08月20日在香港上映，是植利影業公司成立六週年紀念。本片由李鐵執導並編劇，改編自芳艷芬領導的新艷陽劇團同名粵劇，該粵劇是在越劇《梁祝》影響下創作完成的。 本片講述了祝英台女扮男裝求學，與梁山伯相愛卻因命運捉弄最終雙雙殉情化蝶的悲劇故事。在改編上，李鐵讓對白更淺白易明，並將故事重心向祝英台一方偏移。影片拍攝以大段女主角的唱段為主，鏡頭運動趨於平緩。該片舞台演出曾啟用旋轉舞台和七幢立體佈景。 導演 李鐵 編劇 李鐵 主演 芳艷芬、任劍輝、陳好逑、周海棠、靚次伯、飄慧梅 製片人 林偉 出品公司 植利影業公司 中文名 梁祝恨史 外文名 The tragic story of Leung Shan-pak and Chuk Ying-toi 類型 戲曲，粵劇，愛情 製片地區 香港 片長 94 分鐘 上映時間 1958年08月20日 對白語言 粵語 色彩 彩色 出品時間 1958年 *** 樓台會 唱：任劍輝 芳艷芬 撰曲：潘一帆 吳一嘯 設計音樂領導拍和：馮華 山伯: (長二流) 映紅霞，寒寺遠， 柳翠山青景怡然， 重重巒峰和雲眷，和雲眷， 山川靈秀賞盡麗色天然 (合)， 記臨岐，賢弟曾寄語， 在長亭嚀囑早歸旋， 解館速歸，賢弟為我牽紅線，牽紅線， 還贈我碧玉，媒自薦 (上)； 我穿疏林，掛住斜陽隊隊歸鴉現， 映照鳥投林振翼互相叫聲傳， 今已日落江頭惹我心撩亂，心撩亂， 謀與英台一面 (士)， (插白) 祝賢弟話過，門前有三棵竹樹為記㗎，呀！冇錯叻， (合尺花下句) 綠瓦紅牆樓一角，門前翠竹葉參天。 信是祝家無疑， 士九呀為我通傳叩見； (白) 有禮貌點呀！ 士九: (白) 哦！知道喇！喂…裡面有冇人呀？ 丫環: (白) 嚟！呢位小哥，你揾邊個㗎？ 士九: (白) 在下樑山伯… 丫環: (白) 你係梁山伯？ 士九: (白) 你咪咁快搶住得㗎，聽埋落去都未遲，我係梁山伯嘅書僮士九哥呀，我地梁相公嚟拜訪你地相公祝英台丫嘛，唔該你通傳引見呀丫環姐， 丫環: (白) 哦！原來系梁相公過訪呀，咁…請你係花圃小候，等我帶咗梁相公入去，我再出嚟招呼你嚇， 士九: (白) 咁就好極啦！ 丫環: (白) 梁相公請， 山伯: (白) 有勞丫環姐， 英台: (白) 悔作還巢燕，書傳母病纏，父納文才聘，橫刀拆鳳鸞， (序白) 梁兄，你姍姍來遲，又知否我為婚變而斷腸心碎呢？ (梨花慘淡經風雨) 萬愁煎， 日夕驚惶婚變， 往事如煙， 獨困深閨怨， (清唱) 縱使英台腸斷， (續唱) 相思空盼望， 未見梁郎面， 家嚴選婿， 逼我共馬文才成屬眷， 君你底事遲來， 贏得心暗亂， 又怕情如絮亂 (白) 梁兄， 山伯: (白) 祝…祝小姐… (反線紅豆曲) 翩躚裙前蝶， 同窗訪妝前， 今朝踐舊約， 英台: (接唱) 你可知鳳侶是蘭弟變， 山伯: (白) 哦，原來祝賢弟係你，英台妹又係你呀？ 英台: (白) 系，昔日為求學問，故而易釵而弁呀 山伯: (接唱) 枉我同睡三年矣， 你嘅花容我看不穿， 英台: (接唱) 我樂得君正直， 甘願愛心牽， 山伯: (浪白) 賢妹，我記起叻，士九時時都話你係女兒身，我點都唔相信喎，唉真係蠢呀！ (續唱) 到此方知鸞為鳳， 天賜結鳳鸞， 唱咗鸞鳳曲， 彩鳳伴癡鸞 (轉爽七字清中板) 你臨岐暗示我未了然。 什麼寶鴨鴛鴦詞盡愆； 什麼相思井種並頭蓮。 什麼月老祠中同許願； 什麼鴛鴦塚內共長眠。 (催快) 我為離愁心淒怨； 你求凰意，我尚蒙然。 (滾花) 唉，原來你語語相關，暗示之言，重在我腦中出現； (白) 當時你話我幾蠢呢英台，呀，世伯呢，等我即刻拜謁佢老人家，求婚下聘至得 英台: (白) 梁兄…梁兄，你而家至明白 山伯: (白) 明白叻 英台: (白) 可惜…可惜已經遲咗喇 仙伯: (白) 嚇，遲咗？我要解咗館至嚟得㗎嘛，而且你親口應承過我，遲早都好閒唧 英台: (白) 誒…我… 人心: (白) 請茶喇梁相公 山伯: (白) 哦…你… 人心: (白) 你唔認得我呀？我咪人心囉 山伯: (白) 哦！你係人心呀…咁唔該曬叻人心姐 人心: (白) 唔駛客氣，梁相公，我地老爺知你駕臨，佢話倉促間都未能即備酒席接風，故命奴婢先獻餅食，你快點食個紅綾餅啦，老爺重話請你恕過佢慢客之罪喎 山伯: (白) 長者賜不敢辭，世伯真係有我心喇 (禿唱長二王) 接過紅綾手上拈， 謝佢殷勤來奉獻， 誠不愧大家風範， 禮義周全， 待我敬佛借花， 半向賢妹獻， 我地紅綾共食兩心甜， (白) 嗱… 英台: (白) 我，我唔食叻， 山伯: (白) 點解呢？ 英台: (白) 系… (接唱) 因為我朝夕相思， 把微病染， 縱使紅綾甜似蜜， 我當佢係蜜餞川蓮。 山伯: (白) 點解你咁講呢？ (禿唱二王) 係呢，禮餅何來， 我早在堂中發現； (白) 英台妹，堂前擺列禮餅多盒，究竟你府上邊位小姐出閣呀？ 英台: (白) 誒… (禿唱沉花) 是是是… 山伯: (白) 嚇！係你家姐，抑或系細妹出閣呢？ 英台: (接唱) 是是是… 是英台愚妹… 山伯: (白) 哎呀…你呀…你答應愚兄婚約，你…你尚嫁何人呀？ 英台: (續唱) 我，我嫁嫁嫁… 山伯: (白) 你…你嫁邊個？你快點講…你快點講… 英台: (續唱) 我，我嫁馬文才公子， 山伯: (白) 哎呀…哎… (沉花) 我我我…我怨句英台薄倖， 嘆我山伯無緣 (非下句) (禿唱連環扣) 萬箭又向心中穿， 哀此薄命嘅癡鸞偷將鳳怨， 枉我情深、情深佢情盡變， 夢醒愛盡完， 利劍又向心中穿， 枉費共讀有三年， 我一朝受騙， 斬斷情根、情根緣亦斷， 恨妹你食言， 唉禮餅、禮餅我對餅空自憐， 哀賢妹人亦變， 真個味苦似黃連， 我實難嚥心悲酸， 紅綾奪我姻緣， 將佢碎開邊 英台: (白) 梁兄…梁兄…你唔好咁啦…梁兄，你又何必要咁呢…你早來三日我便是梁家婦，但係你偏要遲來三日，我…我就變作馬家妻，所以我怨你嚟遲咗就係咁解叻梁兄， 山伯: (白) 英台，到呢個時候我都唔會講囉，呢個紅綾餅，我…我話佢斷情餅就真 英台: (白) 斷情餅…唉…我地緣已斷時情亦斷 山伯: (白) 唉…方知紅綾餅是斷腸刀呀 (反線寶誕香) 聚會空教婚變遷， 淚滴衣襟悔時延， 英台: (接唱) 鴛禽比翼遭家嚴斷， 唉一片哀聲抱恨綿綿， 悲淒淚下， 真欲語無言， (序白) 梁兄，可嘆嚴親一意孤行，眼看大好良緣終成泡影， 山伯: (序白) 愚兄自悔三日誤佳期，到今方知鑄成大錯咯， (續唱) 淚漣漣， 苦矣亂心弦， 堪悲切齒， 我心間愛願作官兒眷， 英台: (清唱) 只嘆命也如桃， 偏惹那風波濤， (續唱) 唉蒼天你偏妒鴛鴦愛， 未許美夢同圓， (序白) 梁兄，你記唔記得臨別之時，我向你多方暗示，重假借代妹定婚，可證我已芳心默許， 山伯: (序白) 唉，愚兄蠢鈍無知，誠不解女兒心事，回憶長亭十送呀， (續唱) 妹經對我細語， 用鴛鴦暗示情心獻， (序白) 你話我幾蠢呀！ 英台: (接唱) 只為你未解相關語， 我倆致未能結鳳鸞， 梁兄呀… 山伯: (接唱) 賢妹呀… 英台、山伯: (接唱) 合歡花放， 如夢空圓， 英台: (續唱) 薄命花悲婚變遷， 恨盡爹爹拆鳳鸞， 山伯: (續唱) 來遲偏怨佳期誤， 負了嬌約斷情緣， 自嘆緣分淺， 英台: (續唱) 唉…更無… 山伯: (續唱) 佳策… 山伯、英台: (接唱) 把恨海填 英台: (白) 梁兄…梁兄…梁兄呀…梁兄，堂前侍婢穿梭，不若同上樓台，再共訴相思之苦呀， 山伯: (白) 愚兄已六神無主叻， 英台: (白) 梁兄請， 山伯: (白) 賢妹請， (反線二王) 步重台， 魂欲斷， 怕見簷前雙飛燕， 枉我似粉蝶繞裙邊。 英台: (接唱) 牆外蝶戀嬌花， 山伯: (反線二王首頓序白) 唉，空說蝶戀花迷，相見爭如不見咯 英台: (接唱) 池內鴛鴦戲水， 山伯: (反線二王二頓序白) 鴛鴦戲水，我真係望都唔敢望，瞣得觸境傷情唧 英台: (接唱) 飛不過禮教藩籬， 遊不出封建無形水線； 山伯: (接唱) 欲種並頭花， 反種出愁根恨果， 遲來三日， 無計煉石補情天。 英台: (接唱) 我為孝於親， 愧難忠於愛， 嗟我父命難為， 以遂佢虛榮心願； 山伯: (白) 英台妹，為著你終身幸福，點解你唔以死力爭呢？ 英台: (白) 梁兄，我何嘗唔係咁做呢？怎奈家嚴只曉附鳳攀龍，我若不應承，佢便以死要挾喇，處於當時環境，我唯有苦苦哀求再候君三日，唉，誰知君竟不來，馬家先來納彩，夫復何言？我都只配做一個封建家庭嘅犧牲者 山伯: (白) 英台，你若嫁入馬家，今後教我何以為人呢？ (禿頭反線中板) 斷腸人對斷腸人， 流淚眼看流淚眼， 只贏得恨史永留存。 你負愛孝於親， 情侶兩斷腸， 妹你一入豪門， 我慘比風箏斷線； 妹你逼作馬家娘， 已固難為梁家婦， 期諸來世續前緣。 (轉滾花) 唉，怕憶長亭十送舊時情，一顆心靈皆碎遍； 英台: (白) 梁兄，你保重呀， (乙反滾花) 好比花正開時遭風雨， 又好比橫來金彈打情鴛。 無奈先盡孝， 然後忠於情， 薄命貞花願化為蝶眷； (白) 梁兄，我縱然被迫出嫁，但誓保冰清，為酬知己，但願魂化蝴蝶，他日與郎地府雙飛， 山伯: (白) 英台，我地雖則生不能同衾，但得死能同穴，我山伯重夫復何求呢？ 英台: (白) 梁兄… (餓馬搖鈴) 唉哥哥抱恨， 山伯: (接唱) 妹妹抱怨， 英台: (接唱) 痛斷了姻緣， 山伯: (接唱) 難忘燕侶， 英台: (接唱) 永遠繫念， 山伯: (接唱) 龍鳳餅碎心弦， 英台: (接唱) 今生訣別， 山伯: (接唱) 他生再見， 山伯、英台: (接唱) 美夢化輕煙， 彩鳳鸞慘矣變作變作啼紅杜鵑， 山伯: (接唱) 清心隔水千夜眠， 都是緣， 梁山伯為你心不變㗎， 英台: (接唱) 可惜哥哥你遲來， 致使兩家難種並頭蓮， 山伯: (中段) 我奉還蝴蝶珮， 信物無心帶恨存， 英台: (白) 梁兄… (接唱) 珮玉永贈君， 我珮玉永贈郎， 留紀念， 你佩身邊， 山伯: (接唱) 難結姻緣， 何必玉珮傷心見， 我斷腸靈魂半歸天， 英台: (接唱) 我心意萬千， 情萬千， 愁萬千， 將必為情亡不抱怨， 山伯: (接唱) 應歸去矣， 再莫留連， 英台: (接唱) 慘矣分飛燕， 相對淚花濺， 山伯: 徘徊复徘徊， 與英台意相牽， 英台: 纏綿复纏綿， 心眷眷 山伯 英台妹，我都係誃叻， 英台: 梁兄，你咪誃住啦， 昔日分離成恨事，我牽衣執手望你且留連。 山伯: (禿戀檀慢板) 唉，生生死死， 我都要歸旋， 英台: 淒淒楚楚， 帶淚送癡鸞， 山伯: 步舉落樓台 (直轉爽二流) 心淒怨； 英台: 蝴蝶有情花有恨， 願教魂魄伴君眠。 山伯: 來時興奮斷腸回， 情已斷時緣也斷； 英台: 山伯死生為我婿， 英台到死不情遷。 山伯: 從來送別最淒涼， 英台: 未卜何時能相見； 山伯: 妹欲相逢唯有夢， 英台: 夢中何處有情天。 山伯: 不堪回首望樓台， 吐出腥紅， 吐出腥紅千萬點； 士九: 哎呀…相公…相公…你見點呀相公 人心: 梁相公…你見點呀梁相公… 英台: 梁兄…你… 士九: 相公…你保重呀相公… 英台: 梁兄…你…你保重呀… (合尺滾花) 君若殉情奴殉愛， 山伯: 我梁山伯， 願在奈何橋畔候嬋娟。