შავი ჭირის სავარაუდო შემთხვევები ირკუტსკში

28 წლის რუსი ლაბორანტის, დარია შიპილოვას გარდაცვალება მსოფლიო ყურადღების ცენტრშია. ციმბირში, ირკუტსკის ოლქში დაფიქსირებული შემთხვევის შემდეგ ცალკეული ქვეყნები რუსეთთან მიმოსვლას ზღუდავენ. აშშ მოქალაქეებს ფედერაციის დატოვებისკენ მოუწოდებს. რამდენიმე მოსაზღვრე ქვეყნიდან მკაცრდება სასაზღვრო კონტროლი და წესდება ახალი რეგულაციები. ოფიციალური უწყებები არ ადასტურებენ ინფორმაციას, რომ შავი ჭირის საწინააღმდეგო კვლევითი ინსტიტუტის ახალგაზრდა თანამშრომელი იმ სინჯარის დაზიანებას ემსხვერპლა, რომელიც შავი ჭირის პათოგენს შეიცავდა. ჯანდაცვის მსოფლიო ორგანიზაცია ვითარებას საყურადღებოდ მიიჩნევს და რისკების საპრევენციოდ რუსეთიდან დეტალურ ცნობებს და დამატებით მონაცემებს ითხოვს. ფილტვის შავი ჭირი თუ გაურკვეველი გენეზის პნევმონია - 2 ოქტომბერს მომხდარი შემთხვევის შემდეგ ირკუტსკის ოლქში საკარანტინო ღონისძიებები ტარდება, დაიხურა საავადმყოფოები, იზოლაციაში აღმოჩნდა რამდენიმე ადამიანი, სამედიცინო მეთვალყურეობის ქვეშაა ინსტიტუტის ათეულობით თანამშრომელი. არსებობს თუ არა თითქმის გამქრალი ინფექციის გავრცელების და ეპიდაფეთქების რისკი - ლევან ახალაია დეტალებით. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.