O'zbekiston xalq shoiri Usmon Azim "Men bilgan haqiqatlar" teleloyihasida

13 август - Чин шоир Усмон Азим туғилган кун Бугун чин шоир Усмон Азим туғилган кун. Акажўрамни, янгам Раъно опани, фарзанду набираларини, шоир ихлосмандларини қутлуғ кун билан чин юракдан табриклайман. ЎЗИМ ҲАҚИДА МАЪЛУМОТЛАР Мен – Усмон Азим Бойсунда туғилиб, Тошкентда яшаяпман, Дунёда яшаяпман Ва бир аёлнинг юрагида. Дунё рўзғоримдай, Уни ўйлайвериб, сочларим оқарди… Ҳаёт- китоб эмас дейишса, кулдим, Чунки ўзим кўрганман (неча бор) Ҳаётнинг сатрларга кирганини.. Ҳақиқатга чоҳдалигида ҳам сиғинавердим. Қарашларим кўп ўзгарди; Чунки фикрим ўсди, ақлим ўсди, Ҳаёт дарс берди бошимга уриб-уриб… Эрта сездим дунёнинг торлигини; Тўрт тарафга урилавериб, Пешонамда қолмади пешона. Англадим, Фақат осмонга интилиш мумкин, Фақат кириш мумкин ерга. Аниқ айтдим ҳамма нарсанинг исмини; Тоза-тоза, Ифлос-ифлос, Ҳалол-ҳалол, ҳаром-ҳаром… Фақат Худодан қўрқдим. Фақат Худога шукур қилдим. Худо берганини олдим интилиб. Англадим, Ўлсам, хар ким ўзича дафн этар мени; Болаларим ўзича, Тошкент ўзича, Бойсун ўзича Дунё ўзича. Мени бор бўйимча ҳеч ким кўмолмас. Хуллас, Мен – Усмон Азим- Ишончли қўллардаман; Худога топширганман ўзимни, Ўзимга ўзимни васият қилганман… Bugun chin shoir Usmon Azim tug'ilgan kun. Akajo'ramni, yangam Ra'no opani, farzandu nabiralarini, shoir ixlosmandlarini qutlug' kun bilan chin yurakdan tabriklayman. O'ZIM HAQIDA MAЪLUMOTLAR Men – Usmon Azim Boysunda tug'ilib, Toshkentda yashayapman, Dunyoda yashayapman Va bir ayolning yuragida. Dunyo ro'zg'orimday, Uni o'ylayverib, sochlarim oqardi… Hayot- kitob emas deyishsa, kuldim, Chunki o'zim ko'rganman (necha bor) Hayotning satrlarga kirganini.. Haqiqatga chohdaligida ham sig'inaverdim. Qarashlarim ko'p o'zgardi; Chunki fikrim o'sdi, aqlim o'sdi, Hayot dars berdi boshimga urib-urib… Erta sezdim dunyoning torligini; To'rt tarafga urilaverib, Peshonamda qolmadi peshona. Angladim, Faqat osmonga intilish mumkin, Faqat kirish mumkin yerga. Aniq aytdim hamma narsaning ismini; Toza-toza, Iflos-iflos, Halol-halol, harom-harom… Faqat Xudodan qo'rqdim. Faqat Xudoga shukur qildim. Xudo berganini oldim intilib. Angladim, O'lsam, xar kim o'zicha dafn etar meni; Bolalarim o'zicha, Toshkent o'zicha, Boysun o'zicha Dunyo o'zicha. Meni bor bo'yimcha hech kim ko'molmas. Xullas, Men – Usmon Azim- Ishonchli qo'llardaman; Xudoga topshirganman o'zimni, O'zimga o'zimni vasiyat qilganman…