॥ श्रीबटुकभैरवसहस्रनामस्तोत्रम्॥ ॥ Batuk Bhairav Sahasranam Stotram॥

॥ श्रीबटुकभैरवसहस्रनामस्तोत्रम्॥ विनियोगः - ॐ अस्य श्रीबटुकभैरवसहस्रनामात्मक स्तोत्रस्य श्रीदुर्वासा ऋषिः। अनुष्टुप्छन्दः। श्रीबटुकभैरवो देवता। मम सर्वकार्यसिद्ध्यर्थं सर्वशत्रुनिवारणार्थं श्रीबटुकभैरव सहस्रनामस्तवपाठे विनियोगः। ऋष्यादिन्यासः - श्रीदुर्वासा ऋषये नमः शिरसि । अनुष्टुप् छन्दसे नमः मुखे। श्रीबटुकभैरवो देवतायैनमः हृदि । मम सर्वकार्यसिद्ध्यर्थ सर्वशत्रुनिवारणार्थं श्रीबटुकभैरवसहस्रनामस्तवपाठे विनियोगाय नमःसर्वाङ्गे। श्री बटुक भैरव के मन्त्रमहार्णव में वर्णित ध्यान :- मन्त्रमहार्णवे सात्त्विक ध्यानम् - वन्दे बालं स्फटिकसदृशं कुण्डलोभासिताङ्गं दिव्याकल्पैर्नवमणिमयैः किङ्किणीनूपुराढ्यैः ॥ दीप्ताकारं विशदवसनं सुप्रसन्नं त्रिनेत्रं हस्ताग्राभ्याम्बटुकेशं शूलदण्डैर्दधानम् ॥ १॥ मन्त्रमहार्णवे राजस ध्यानम् - उद्यद्भास्करसन्निभं त्रिनयनं रक्ताङ्गरागस्रजं स्मेरास्यं वरदं कपालमभयं शूलं दधानं करैः ॥ नीलग्रीवमुदारभूषणयुतं शीतांशुखण्डोज्ज्वलं बन्धूकारुणवाससं भयहरं देवं सदा भावये ॥ २॥ मन्त्रमहार्णवे तामस ध्यानम् - ध्यायेन्नीलाद्रिकान्तिं शशिशकलधरं मुण्डमालं महेशं दिग्वस्त्रं पिङ्गलाक्षं डमरुमथ सृणिं खड्गपाशाभयानि ॥ नागं घण्टां कपालं करसरसिरुहैर्बिभ्रतं भीमदंष्ट्रं, दिव्याकल्पं त्रिनेत्रं मणिमयविलसत्किङ्किणीनूपुराढ्यम्॥३॥ ॥ इति ध्यानत्रयम् ॥ सात्त्विकं ध्यानमाख्यातञ्चतुर्वर्गफलप्रदम् । राजसं कार्यशुभदं तामसं शत्रुनाशनम् ॥ १॥ सात्विक ध्यान से धर्म अर्थ काम मोक्ष (चतुर्वर्ग ) की प्राप्ति होती है , राजस ध्यान से शुभ कार्य सिद्ध होते है तथा तामस ध्यान से शत्रुओं का नाश होता है । ॐ नमो भैरवरूपाय भैरवाय नमो नमः । नमो भद्रस्वरूपाय जयदाय नमो नमः ॥ १॥ नमः कल्पस्वरूपाय विकल्पाय नमो नमः । नमः शुद्धस्वरूपाय सुप्रकाशाय ते नमः ॥ २॥ नमः कङ्कालरूपाय कालरूप नमोऽस्तुते । नमस्त्र्यम्बकरूपाय महाकालाय ते नमो ॥ ३॥