ATV i hjelpekorpset

– Når du sit på toppen, før du set utfor, kjenner du at pumpa slår. Du er i live. Marita Berg frå Gaular Røde Kors Hjelpekorps ønskjer å komme seg raskast råd ut til den dei skal hjelpe. Difor lærer ho seg å køyre ATV. Då hender det ein må utanfor vegen. Der kan det vere bratt. – Det gjer meg til ein tryggare hjelpekorpsar, å vite at ein har meir å bidra med, eg kan ta atv'en og køyre til og frå, det er jo ein kjemperessurs for heile korpset. Dessutan gjev det ei kjempe-meistringskjensle å få det til, seier ho. Her deltek ho på eit ATV-kurs i regi av Stryn Røde Kors Hjelpekorps og Sogn og Fjordane Røde Kors Hjelpekorps, med instruktørar frå Snøfartsverket. Foto: Henning A. Hellebust, Sogn og Fjordane Røde Kors.