ចៅ មនោរម្យ៖ ស្ថាបនិកកែច្នៃជីកំប៉ុស និងសួនដំណាំពីកាកសំណល់ផ្ទះបាយ

កញ្ញាចៅ មនោរម្យ គឺជាអណិកជនកូនខ្មែរកាត់បារាំងដែលមានឪពុកម្តាយជាខ្មែរនិងបានរស់នៅធំដឹងក្តី នៅប្រទេសបារាំង។ នៅក្នុងឆ្នាំ២០១៥ កញ្ញាចៅ មនោរម្យ បានធ្វើដំណើរមកកម្ពុជាជាលើកដំបូង តាម រយៈ ការធ្វើការងារស្ម័គ្រចិត្ត ដើម្បីរៀនភាសាកំណើតរបស់ខ្លួន និងស្គាល់ពីការរស់នៅរបស់ប្រជាជនខ្មែរ។ ចូលប្រលូកការងារស្ម័គ្រចិត្តអស់ពេលជាច្រើនឆ្នាំ កញ្ញាចៅ មនោរម្យ បានចាប់អារម្មណ៍លើដី ធម្មជាតិ និង និរន្តរភាពអេកូឡូស៊ីជាជាងការងារសហគ្រាសពាណិជ្ជកម្ម ដែលគាត់បានបញ្ចប់ការសិក្សា ថ្នាក់ អនុ បណ្ឌិត នៅប្រទេសបារាំង។ ចាប់តាំងពីឆ្នាំ២០១៩ ចៅ មនោរម្យ បានបង្កើតគម្រោងផ្ទាល់ខ្លួន ដោយបាន ធ្វើជីកំប៉ុសពីកាកសំណល់ផ្ទះបាយ ដើម្បីកាត់បន្ថយសំរាមសម្រាប់ប្រជាជនដែលរស់នៅទីក្រុង តាមរយៈ គម្រោង ស៊ីធីកំប៉ុស។ គម្រោង កំប៉ុសស៊ីធី ដែលបានធ្វើឲ្យគាត់បានឈ្នះការប្រកួត លើគោលដៅ អភិវឌ្ឍន៍ ប្រកប ដោយចីរភាពរបស់អង្គការសហប្រជាជាតិ។ សព្វថ្ងៃនេះ គម្រោងស៊ីធីកំប៉ុស ដែលគេស្គាល់ថា «លេងដី» មិនត្រឹមតែជាគម្រោងដែលផ្តោតលើការធ្វើជីកំប៉ុសពីកាកសំណល់ផ្ទះបាយប៉ុណ្ណោះទេ ប៉ុន្តែ គម្រោង នេះ ក៏ផ្តោតសំខាន់ទៅលើការអប់រំ និងការថែទាំសួនដំណាំបែបជីវចម្រុះតភ្ជាប់ដីនិងធម្មជាតិ សម្រាប់យុវជននិងកុមារៗនៅតាមសាលារៀនផងដែរ៕ 🔔 Please subscribe: https://rfi.my/YTkm 🌍 ទទួលព័ត៌មាននៅជុំវិញពិភពលោកដោយផ្ទាល់ https://www.rfi.fr/km/ ភ្ជាប់ជាមួយហ្វេសប៊ុករបស់យើង https://rfi.my/FBkm ទទួលព័ត៌មានពីយើងតាម X https://rfi.my/Xkm ទទួលព័ត៌មានតាមអ៊ីនស្តាក្រាម https://rfi.my/IGkm ទទួលព័ត៌មានតាមតេឡេក្រាម https://rfi.my/TGkm និង WhatsApp https://rfi.my/WAkm ទទួលព័ត៌មានតាមទិកតុក https://rfi.my/TKkm