الهريسة النبكية بطعم بياخد العقل وسهلة كتير وسريعة ولا اطيب

الهريسة النبكية اول شي هاد العيار لصينية فرن قياسا اما مستطيلة ٢٨*١٨ ، او دائرية قطرها ٢٨ واذا بدكم تعملو بالصينية الاكبر يعني اذا الصينية دائرية قطرها ٣٨ سم او مستطيلة قياسها ٢٨*٣٨ ف بدكم تعملو دبل هالعيار يعني كل شي ضاعفو بالمقادير المقادير: ( عيرو كل المقادير بالكاسة نفسا) كاستين سميد حجم وسط يعني سميد ناعم ما بيزبط كاسة حليب دافيه او مي دافيه تلات رباع كاسة سكر معلقة صغيرة بيكنغ باودر ربع معلقة صغيرة كربونة ( يعني كربونات الصوديوم او البيكنغ صودا) معلقة كبيرة سمنة ومنحتاج كمان سمنة لدهن الصينية ولدهن وجه الهريسة للقطر: هالعيار بيحتاج هالعيار من القطر الي هو كاستين سكر وكاسة وربع مي