مواضيع لازم تهدري فيهم مع خطيبك💍كسري روتين بهاد المواضيع مع خطيبك و ستفادي انك تعرفيه كثر ❤️😉

اهلا حبيبتي صحه رمضانك و ان شاء الله ربي يتقبل منكم و صحه فطوركم يا سكرات قلبي ♡ 1\ شرح الفيديو بتفصيل ●الدين🕌 هدف هذا الموضوع تعرفي كيفاش هذا الإنسان ملتزم بدينو وهل هو يشوفو صلاة و صيام ولا يشوفو بمعنى كلمة إسلام ما يحقر ما يظلم دينو على الأخلاق و المعاملات و تقديرك نتي و يخاف فيك ربي . ●س 2🕌 شكون هو عالم دين لي تحب تبعو و كيما شرحنا الهدف منو تعرفي كيفاش يشوف دين و شكون يحب يتبع و تعرفي عقليتو الدينية ●س3🕌 في رايك واش هوما حدود تعامل بين الراجل و لمرا من الخدمه لزملاء لكلش ●الهدف من السوال تعرفي شحال هو ملتزم مع النساء برا وهل يطبق غير عليك نتي عدم الاختلاط ولا ليه هو تاني و تعرفي اذا يحب يدير صدقات مع نساء ولا لا شاد قدرو كيما نقولو حنا✔️ ❤️‍🔥الخلافات❤️‍🔥 س1●❤️‍🔥 واش لازم نديرو كي نكونو متزاعفين هدف هذا السوال : انكم تتعرفو على طريقتكم في الزعاف و كيفاش تلقو الحل مع بعضكم ●س2❤️‍🔥 اسك تحب ندخلو واحد في مشاكلنا تحب زعما واحد يدخل يدير الصلح ؟ هدف هذا السوال: تعرفي اذا كان من نوع لي يخلي حياتو الخاصه ليه وحدو ولا يسمع بيه اهلو و دارهم 😟❤️‍🔥 ●س3❤️‍🔥 : التسامح و طلب السماح هل عندو هذا الشي ولا لازم غير نتي تقولي سمحلي سمحلي :الهدف من هذا السؤال: تعرفي اذا يقدر زعافك واذا هو شخص متصالح مع نفسو وعندو ثقة في نفسو + علميه يطلب سماح منك وقت لي يغلط معاك و اطلبي هذا الشي في هذا الموضوع. 💵المال💵 ●س1 / هل راح تخدمي ؟ كي تخدمي فاش راح تعاونيه ولا تصرفي على روحك برك ؟ كيفاش يشوف الراجل لي تصرف عليه مرتو ؟ ●س 2 💵/ هل عادي يطلب مساعدة من أهلك في ما يخص المال ؟ و العمل و السكن ؟؟ ●س3💵 / هل راح يعطيك مصروفك اذا كنتي مش خدامه تفاهمي معاه على طريقة هذا المصروف و كيفاش يحطهولك كيفاش ؟؟! يعني كل شهر كل ما يخلص يحطلك مبلغ مالي بدون ما تطلبي منو نتي اعطيني اعطيني 💵💵💵