Ilmdan boshqa - Ikrom Narzullo

Эй дўст, интилавер кўкка, қуёшга, Фақат бошинг қўйма ғурбат, талошга, Сўнгра юзинг ювма тахир кўзёшга, “Дунёда илмдан бошқа нажот йўқ”!   Умрнинг ҳар лаҳзаси дилни ўртар чўғ, Вақти ҳукмдоринг тутмиш ўткир тиғ, Кетай десанг бундан гар юзи ёруғ, “Дунёда илмдан бошқа нажот йўқ”!   Фазога учганнинг  қаноти билим, Омад қўчганларнинг саботи билим, Бахтга етганларнинг тоати билим, “Дунёда илмдан бошқа нажот йўқ”!   Ҳаёт давонида толиқиб қолсанг, Битмас машаққатга йўлиқиб қолсанг, Ўзингга керагин гар билиб олсанг, “Дунёда илмдан бошқа нажот йўқ”!   Одам атога ҳам илм берилди, Илмсизлар ночор қолиб, қирилди, Аллоҳ фарз айлади, муҳаддис, деди, “Дунёда илмдан бошқа нажот йўқ”!