ROADS DIRECTORATE E NKA MALEBELA A MORALO OA LILEMO TSE HLANO TSE TLANG

Mosotho o ee a re “bohlale ha bo ahele ntloana-‘ngoe”. Ho ananela mantsoe ana a bohlokoa, Roads Directorate e ne e memme boemeli ba mafapha ohle a chang a tšola tšebelisong ea marang-rang a litsela kopanong eo sepheo sa eona e neng e le ho ba nonya maikutlo ka Moralo oa Setsi oa Lilemo tse hlano tse tlang ( Strategic Plan 2026- 2031). Phuthehong ena ho bile teng baemeli ba Makala le litsi tse fapakaneng tsa ‘Muso, litsebi tsa meralo ea litsela, mekonteraka, likolo tsa thuto e phahameng ekasitana le mekhatlo ea sechaba le ea bacha. Malebela le maikutlo a hlahisitsoeng phuthehong ena a tla kenyeletsa moralong ona e le hore o tle o arabele litlhoko tsa mafapha ohle.