М. Хамзин, "Белгісіз солдат".

24 қыркүйек күні Маңғыстау облысында болған қаралы жағдайдан кейін барша Қазақстандықтарға қайғыра көңіл айтамын. Каспий теңізіндегі әскери оқу-жаттығу кезінде 14 әскери қызметші қаза тапты. Жап-жас боздақтар… Отбасына оралмаған ұлдар… Артында аңырап ата-анасы, бауырлары қалды. Бүгін М. Хамзин, «Белгісіз солдат» күйін майданнан оралмаған боздақтарға ғана емес, осы қасіреттен қаза тапқан барша әскери қызметшілердің рухына арнағым келеді. Бұл шығарма - соғыс жылдарындағы ауыр қайғыны, майданнан оралмаған боздақтардың тағдырын және ел басына түскен қасіретті бейнелейтін туынды. Домбыраның әрбір үні жүректегі мұңды, сағынышты, жоқтауды жеткізеді. Бірақ оның ішінде қайғы ғана емес, елдің рухы, ерлік пен табандылық та бар. Қаза болған боздақтардың жаны жәннатта болсын. Жақындарына Алла сабыр берсін. Елімізге тыныштық берсін. 🤲🏻