THM - 返學 feat Notfine 2ndhand

Lyrics: THM Notfine 2ndhand Beat : Fungmadeit Mixed : Fungmadeit Visualizer：水滾茶靚 聽到返學鐘聲 燃起 年輕衝勁 對身邊事物所憧憬 看看沿途的風景 Let me sleep let me fly Let me dream let me breathe 2NDHAND: 日復日7:00 着起熟悉嘅制服 想時間放慢啲 但係一切都在繼續 我知道 單靠自己改變唔到高牆同制度 身心疲憊嘅我 喺桌上不自覺地閉目 我哋係發夢嘅貴族 鐘聲響起 將我喚醒 又再返到去世俗 五線譜 同 押韻 喺我嘅夢裏 編織 有時我會後悔 點解同妳咁遲先識 返到去現實 仲有好多嘢需要面對 未能夠實現 但我知道夢想係對面 好想將 承諾都兌現 但只停留喺想字 我想讀書又想玩音樂 太過得一想二 功課永遠做不完 陪伴者得支鉛筆 被困喺呢場遊戲 到底幾時先完畢 一場一場嘅考試 你反抗就係狡辯 但好多嘢冇辦法自己解決自己搞掂 所以我一支駁住一支日子 一天再過住一天 將我想法變成音樂 變成回應試題嘅筆尖 厭倦A B C D 古板嘅MC 我想做 可以real d 嗰種MC 諗返起十五 我寫過嘅筆劃 當去到三十 我又會否保持不惑 Hook: 聽到返學鐘聲 燃起 年輕衝勁 對身邊事物所憧憬 看看沿途的風景 Let me sleep let me fly Let me dream let me breathe NOTFINE: 氣氛依舊嘅熟悉 着住一樣嘅服飾 我離場之後 無break the ice開始碰壁 瞓完覺之後 好似彼此又再認識 十年如今日 我哋有相同嘅目的 以前逼小巴 直到新車站嘅 開通 Be like ride on time 但好似失去了 初衷 前路依舊咁 大霧 有人拋低了火種 你係旁觀嘅群眾 而我係 一枝滅火筒 我不甘 時刻都謹慎 無一刻識得放鬆 我受夠 大腦係憎恨 閉塞兼無得放空 我想要得到 我想要嘅 但係怕途中 就 三分鐘熱度 我想去選擇 我獨有嘅 路 好似 食 飽飯冇事做 一時係friend 一時陌生人 我最驚 唔啱嘅Frequence 社會copy & paste嘅Pattern 積咗 一堆嘅灰塵 全部嘢都係複製 咁點叫選擇題？ 全部都餅印咁款 叫我哋點發圍？ 有啲嘢就算亂揀 下場都一式一樣 有啲人認真發揮 但冇人擺喺心上 前排 升到幾何級數榮華 轉眼間Is gone 早幾日血氣方剛 轉眼 轉介去方倉 乜嘢三押四押 諗得多 我諗會甩頭髮 喺考卷度填窿窿 某啲part我會揀留白 想揀A & B 兩個都好鍾意 Trap 喺 RnB 由Notfine 講故事 Hook: 聽到返學鐘聲 燃起 年輕衝勁 對身邊事物所憧憬 看看沿途的風景 Let me sleep let me fly Let me dream let me breathe THM: 慶幸並未放棄 非一敗塗地 將過去忘記 重新去自理 或者生活裏頭充滿住眾多苦困 即使有更多嘅迷惘 都不忘做好本分 That’s right ！要照顧好自己 冇人理所當然地 對他人 慈悲 唔好再頹廢 匿喺被窩 諗幾時死 因為呢個係你獨一無二嘅story由你親手去Creat 以前日日頹廢去 揼波鐘 而家雜亂思緒學會疏通 疑惑到底咩叫做勿忘初衷 就係短暫嘅人生縱下最熱烈嘅火種 Burn it my soul burn it my soul Build up自信 再勇敢行前多一步 渾渾噩噩嘅 過往 已經過去 選擇嶄新嘅路 重新 建立壯舉 Realistic Records Instagram▶️  / realistic_r.  . THM Instagram▶️   / thm.0408   NOTFINE Instagram▶️   / notfinerly   2NDHAND Instagram▶️   / secondhandloveu   FUNGMADEIT Instagram▶️   / fungmadeit   水滾茶靚 Instagram▶️   / chansey.kurokawa