بهاي احزاني | الرادود كرار عمامة | محرم الحرام ١٤٤٨ مجلس هيئة قمر العشيرة

انتاج شركة متميزون للتوثيق الحسيني #07864549560 الرادود كرار عمامة الشاعر عماد العابدي من بعد عيونك ياعباس مسبيه وتسأل عني الناس الطف خلاني بهاي احزاني مسبيه وتسأل عني الناس ـــــــــــــــــــــــــــــــــــــــــــــــــــــــ من يوم العفتني شكد بجت عيني ودموع الحزن بالغربه تجويني يسئلوني واكلهم راحت سنيني بعد عباس حته النسمه تاذيني عفتك بجروحك يالوفاي وبس راسك خويه يمشي وياي وضليت اني بهاي احزاني مسبيه وتسأل عني الناس ــــــــــــــــــــــــــــــــــــــــــــــــــــــــ الدنيه حلوه جانت من جنت وياي وبعدك مااشوفن راحه من دنياي جنت انته الي خيمه ونضر عيناي ويلجمني الجرح كلما اشوف الماي من جودك اشرب ردت الماي وبالدنيه امنيتي ضلت هاي كلبي يتاني بهاي احزاني مسبيه وتسأل عني الناس ــــــــــــــــــــــــــــــــــــــــــــــــــــــــــ كل ساعه عليه بغيابك جمره ومو بيدي الكلب من يكدر ايصبره انته من رحت ضليت منتظر ولحد اليوم عيني امن الدمع حمره كدامي عيوني راسك صار وعلينه الوادم ترمي احجار بس عدواني بهاي احزاني مسبيه وتسأل عني الناس ــــــــــــــــــــــــــــــــــــــــــــــــــــــــ عالهزل مشينه وراسك اكبالي اون عليك وانته اتون على حالي منين ابدي العتب وياك يلغالي وتكسر خاطري دمعات اطفالي كل ساعه ايتامه لوعه تشوف وجم طفله ماتت من الخوف الهم عنواني بهاي احزاني مسبيه وتسأل عني الناس ـــــــــــــــــــــــــــــــــــــــــــــــــــــــ بجروح اليسر ياخويه ماتدري وشيب راسي ياعباس من صبري مو انته الجنت متكفل بخدري بعدك سلبوني ودمعتي تجري كلما هضموني خويه انخاك واذكر ايامي الجنت وياك بين اخواني بهاي احزاني مسبيه وتسأل عني الناس ــــــــــــــــــــــــــــــــــــــــــــــــــــ الجرح خيم علينه والنهار اظلم الهوى حته الهوى ياخويه ماينشم بخرابه بلا سكف ضلينه نتألم ومايروي كلبنه الضامي مي زمزم لا بيت العدنه ولاخيمه من هيمه ايودونه الهيمه وروحي تعاني بهاي احزاني مسبيه وتسأل عني الناس