قصيدة النقط

قصيدة النقط للشاعر /عاصم محمد بابكر بصوت الأستاذ / عمر محي الدين ** قصيدة النقط ** الشاعر عاصم محمد بابكر .......................... حبيت نقط ... وكلمتها .. عن حبي .. عن شوقي .. ونقط ... وكتبت فيها أجمل عبارات النقط ... حبيتها من أصدق ضمير لا فيهو زيف لا فيهو نقط يعلم بي كمان خالق الوجود خالق النقط يا نسمة في الزمن الجميل هزت كياني وإرتوت من الحنان الفي النقط يا غيمة في عز الهجير يا وردة قاومت النقط وكل ما تمر نسمة صباح تلقاني منتظر النقط تغمرني بي عطف وحنان أشفى وأطيب من كل داء كان جد عصيب وكمان نقط يا حبيبتي يا أجمل غرام عاش في القليب من كم نقط وأصبح هناك عايش سعيد متنهني بي أجمل نقط وأنا عندي زيك يا نقط كم في البسيطة عشان تقولي علي نقط وأنا أصلي حبيت مرتين مرة أمي .. ومرة كان يا ناس نقط حبيت نقط ... كانت حياتي ودنيتي وكانت نقط كانت عيوني ومهجتي وكانت حروف تلك النقط وبعد غيرتي الحروف وغيّرتي خارطة النقط جاييكي تاني عشان أعيش تقسيم حروف تلك النقط وأنا أصلي في صوتك شعرت بإنو في صدرك نقط حتى العيون فيهن كلام حاجباً نقط قولي الكلام لو حتى من غير نقط قولويهو بس ما تشيلي هم لو كان جميل أو كان نقط قوليهو ما هماكي زول أصلو إنكتب لي أعيش النقط قوليهو لو كان بالعيون أو حتى لو كان بالنقط ما كان زمان بتقولي لي إنك نقط ... وإنك محال في يوم تكون زولاً نقط ... اليوم خلاص راحت علي كل العبارات والنقط قوليها بس ما تشيلي هم لو كان نقط أنا قلبي يا محزون زرع بس للأسف كان ما نقط ...... الشاعر عاصم محمد بابكر