Kino biznesidagi millioner bilan suhbat: hukumat yordam berish o'rniga ko'p halaqit qiladi

Pandora hujjatlarida nomi ko‘ringan millioner Farruh To‘laganov va «Amir Temur»ga qo‘yilgan to‘siqlar: Xayriddin Sultonov filmi bilan raqobat ortida nima bor? Uzdiplomat jurnalisti Anora Sodiq O‘zbekistondagi qator kinoteatrlar egasi, Pandora Papers hujjatlarida familiyasi ko‘ringan tadbirkor Farruh To‘laganov hamda Istanbul kino akademiyasi akademigi Eldor Yuldashev bilan suhbatlashdi. Suhbatda kino sohasidagi pul oqimlari, davlat aralashuvi, marketing va xususiy filmlarga qo‘yilayotgan to‘siqlar muhokama qilindi. Eldor Yuldashev xususiy filmga nisbatan bosimlar va sun’iy to‘siqlar bo‘lganini aytadi. Uning iddaosiga ko‘ra, Belarusdagi kino tadbiri bilan bog‘liq holatda O‘zbekiston Tashqi ishlar vazirligi tomonidan qo‘ng‘iroq bo‘lib, mukofotni xususiy «Amir Temur»ga emas, davlat loyihasiga berish masalasi ko‘tarilgan.