黃澤鋒超高齡產婦太太平安分娩 「小貴妃」出世頭圓面珠脹卜卜超可愛

黃澤鋒超高齡產婦太太平安分娩 「小貴妃」出世頭圓面珠脹卜卜超可愛 黃澤鋒 同太太 陳麗麗 5月宣佈已人工受孕方式懷有第二胎，至近日妹妹「小貴妃」已經出世，母女平安。見BB面頰飽滿頭圓圓，非常可愛。再為人父嘅澤鋒亦公開同大女「小黃妃」齊齊探望妹妹嘅圖片，剛踏入6歲成為小學生嘅家姐仔，抱住妹妹一臉寵愛，非常溫馨。 年屆58歲嘅媽媽陳麗麗早前公佈再懷孕時，因屬超高齡產婦而令外界議論紛紛，而大女小黃妃2019年臨盤時，佢就曾因妊娠毒血爆發，當時母女都需留醫ICU，幸無大礙，故懷有第二胎就令大家更擔憂，但澤鋒同太太就對迎接新家庭成員非常期待，最後母女平安，一家變成四口幸福家庭，可喜可賀。 #黃澤鋒 #陳麗麗 #小貴妃 #超齡產婦 #58歲 #小黃妃 #妊娠毒血 #ICU#TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0