Jut: dastlabki tajriba yuqori natijalarni ko‘rsatmoqda

Qishloq xo'jaligi vazirligi hamda Urug‘chilikni rivojlantirish markazi tashabbusi bilan respublikamiz hududlarida Hindistondan keltirilgan jut o‘simligi urug‘lari 2 ming gektar maydonga ekildi. Ayni paytda ekinlar gullash bosqichiga kirgan bo‘lib, o‘simliklarning bo‘yi o‘rtacha 2,5–3 metrga yetmoqda. Kuzatuvlar natijasiga ko‘ra, jut o‘simligi mamlakatimizning turli hududlarida iqlim va tuproq sharoitlariga yaxshi moslashib, yuqori vegetatsion rivojlanishni namoyon etmoqda. Mazkur tajriba O‘zbekistonda jut yetishtirish va kelgusida uning urug‘chiligini rivojlantirish uchun muhim amaliy qadam bo‘lib xizmat qiladi.