០៤១០. បឋមវ័យស្នេហា ច្រៀងដោយៈ ស៊ីន ស៊ីសាមុត . រស់ សេរីសុទ្ធា

ថតនិងកាត់ៈ អេង វុទ្ធី រៀបចំនិងផលិតៈ មាស​ ស៊ីថុល បឋមវ័យស្នេហា ច្រៀងដោយៈ ស៊ីន ស៊ីសាមុត . រស់ សេរីសុទ្ធា ក្នុងខ្សែភាពយន្តរឿង នាងព្រាយកន្ទោងខៀវ (ប). ហ៊ឺ!ៗៗៗៗៗ...ហ៊ឺ!ៗៗៗៗៗ...ហ៊ឺ!ៗៗៗៗៗ... (ស). ហ៊ឺ!ៗៗៗៗៗ...ហ៊ឺ!ៗៗៗៗៗ...ហ៊ឺ!ៗៗៗៗៗ... ១.(ប) គយគន់ធម្មជាតិស្រស់បំព្រង ផ្ការីករហង់ចោលគន្ធា ចង់ក្រេបក្លិនខ្លួននែបឱរា ខ្លាចម្ចាស់ចិន្ដាមិនប្រណី។ ២.(ស) ទឹកហូរជោរនាចច្រើនប្ដូរផ្លាស់ ពាក្យផ្អែមល្ហែមណាស់ច្រើនបង់ហឫទ័យ ពេលស្នេហ៍ថ្នាក់ថ្នមដោយភក្ដី អស់ចិត្តចោលស្រីឲ្យឯកា។ បន្ទរ.(ប) ជាតិនេះបងស្នេហ៍តែស្រីមួយ ជាជីវិតត្រួយម្ចាស់ចិន្ដាហា!...បើបងក្បត់អូនឲ្យសូនសង្ខារ បងសច្ចាថាស្មោះតែនឹងស្រី។ ៣.(ស) អូនលើកហត្ថាប្រាថ្នាដោយស្មោះ បួងសួងជួបប្រុសជីវិតថ្លើមថ្លៃ (ប) អូនអើយកែវកុំបារម្ភថ្វី បងថ្នាក់ថ្នមស្រីតាមប្រាថ្នា។ ៤.(រួម) សូមព្រះជាម្ចាស់ជួយជាសាក្សី ពីរនាក់ភក្ដីរួមស្នេហា ជាគូជីវិតលុះសូន្យសង្ខារ គ្រប់ជាតិប្រាថ្នាជួបជាគូអើយ គ្រប់ជាតិប្រាថ្នាជួបជាគូអើយ គ្រប់ជាតិប្រាថ្នាជួបជាគូអើយ៕