منير البقمي - جرة فوق جره

جرةٍ فوق جره كلمات حمود السمي اداء منير البقمي تسجيل العمل : استوديو صوت زرياب المهندس : احمد عبدالقادر توزيع : مروان الحمادي & احمد عبدالقادر مكس وماستر : محروس الخنبشي ياحي شوفة جرةٍ فوق جره جرة عطايا الله على جرة السيل البل غلاها وسط قلبي مقره خيّم غلاها في قلوب الرياجيل اما مجاهيمٍ على البعد حره تشوفها أهلها بليا درابيل ولا وضح مثل نجوم المجره مثل النجوم اللي تقابس مع الليل ولا حمر مثل جنيهٍ يصره التاجر اللي عنده البن والهيل والصفر بنٍ حمس مره ومره واللي يحمسه دايم يسج بالحيل والشعل مثل اللي كفا الله شره رصاص رشاشٍ بعيد المواصيل وهذي عمانيه وهذيك حره جيشٍ معاد الا يبا يلحق الخيل أحبها وأحب واديٍ تمره وأحبها وأحب هاك المداهيل وأحب لي هرشٍ رباطه يجره وأحب شيبانٍ تبا طلعة سهيل والي يحب القود لله دره حتى لو أنه من سلايل إسرائيل