خالد ال بريك | سهوم المنايا |🔥👏2030 | كلمات راكان النفيعي #خالد_ال_بريك #البقوم #تربه

شيلة مهداه لـ رجل ألاعمال عبد العزيز بن خالد بن ضحيان البقمي ' كلمات / راكان النفيعي 'الابيات / " مزونٍ نشت فالليل مع حزة المهجاد على الثالثه والنصف بالضبط موعدها بقدرة الهيه لا هب الهوى تنقاد تسلل على الرادار من دون يرصدها بعد ما ادلهمت في السماء جالها رعاد على العاصمة غطّت وزادت تمددها عن الشعر لي مده وانا مفضل الابعاد انا غيبتي يومن تغيّبت قاصدها تطفّل علينا ناس ما تلزم المقعاد من الشي واللا شي تعلن تواجدها اذا وضعنا الحالي عن الوضع الاول زاد بـ الاسماء بنذكرها ونعلن تمرّدها انا واقف ٍ لهل الحداثه على المرصاد حرام ٍ على عيون الخلايق لا اجرّدها الي جيةٍ لا جيت يبحل بها النقاد اجيب القصيد اللي خوى الروس يقعدها يبو خالد ابشر بي على تم الاستعداد لجل عينك ولجل البقوم وبدايدها انا اعد نفسي معك في خامس الاجداد مع اللي لهم في السلم سلم ٍ يقيّدها اذا فالسنه عيدين ذا ثالث الاعياد هذي لحظةٍ لا يمكن يعاد مشهدها هلا بالجموع اللي تعنّت وبالافراد هلا مرحبا وعيال خالد تردّدها على ام الشحم والعود والدله ام قناد وهذي من سلوم البقوم وعوايدها محافل ذوي ضحيان فيها العدد يزداد رجال ٍ لهم حضوه وتدرك مقاصدها وخالد بن ضحيان مستحوذ الامجاد مسجّل لهم بصمه وفعل ٍ يخلّدها عليه الملك سلمان يثني وفيه اشاد على فعوله اللي كل الامه شواهدها الارواح لو غابت وراحت مع الاجساد الافعال ما غابت ولحدن بجاحدها وقف للسجين اللي مكبل عليه قياد وحزة قصاصه قاضي الشرع حددها من السيف فرّج له وفكه من الاصفاد عظامه عسى الله في جنانه يغمّدها عياله على نهجه وسارو على المعتاد وصاياه محفوظه وكلن مجوّدها ياعبدالعزيز اشوف فعل الابو ينعاد ورا الهقوه اللي دايما فيك عاهدها طوال الشبور اشوف شبرك عليهم زاد الك وقفتن كل النشاما تمجدها لا جتك النفوس الشاكيه من تعب واجهاد فلا غير ربي ثم غيرك يساعدها وخوالك اهل وقفه واهل مشيخه وشداد حناتيش وقفات البنيخي تسنّدها تبجّح يبو خالد بربع ٍ لا طال الماد تكز المجوّخ والهنادي تورّدها تحل النزاع ان كان كثر الحكي مافاد ترز البيااااارق فوق والنار توقدها سلايل بني جغثوم تثبت كما الاوتاد لو الباشه جموع الطوابير يحشدها لا حمي الوطيس وراح كل النهار طراد وحط الكتيبه مع كتيبه تساندها عليه اقطعو جميع سلاسل الامداد وشقو صفوفه بعد ما اعلن توحّدها بعد ما اونس السم السقطري على الاكباد بدا هادم اللذات الارواح يحصدها سهوم المنايا سطّرو مجد للاحفاد ودون تربه صدّو هجوم ٍ يهدّدها يا سمو البقوم البيض ترفع على الاشهاد مواقيفكم كل القبايل ترددّها ' '