عمل أحلى حفلة للملك.. فاتسجن لحد ما مات | ٤٨ قانون للقوة

ليه أشطر واحد في الشغل بيكون أول واحد بيتشال؟ راجل عمل حفلة عشان يكرّم الملك. صرف عليها ثروة، وجاب أشهر شيف في فرنسا، وكل ضيف روّح بهدية. بعد تلات أسابيع كان في السجن. وفضل فيه لحد ما مات. التهمة؟ مفيش. كل غلطته إنه في ليلة واحدة بان أكبر من الملك. وإحنا اتربينا على العكس. ذاكر، اجتهد، خليك مميز. محدش قالنا إن اللي بيبان أحسن من اللي فوقه بيبقى أول واحد يتشال من الطريق. في الحلقة دي بنفكك أول تمن قوانين من كتاب "٤٨ قانون للقوة" لروبرت جرين، الكتاب اللي الناس مختلفة عليه من ساعة ما نزل. كل القوانين دي بتدور حوالين سؤال واحد: إمتى تبان، وإمتى تختفي. هتسمع عن: وزير مالية فرنسا اللي الملك هدّ قصره وبنى مكانه فرساي جاليليو اللي إدى اكتشافه هدية لغيره، وكسب بيه عشرين سنة شغل راجل خطب ضد الحرب، وبعدها دخّل بلده تلات حروب ملك كان بيرد بكلمة واحدة، والوزرا يقعدوا أسابيع يحللوها بطل حرب الناس كانت بتحبه، اتكلم مرة واحدة فنفوه قائد فتح بوابات مدينته وهي فاضية قدام عشرين ألف جندي، والجيش رجع واحد فينا بيهاجم الكتاب، والتاني بيدافع عنه. والحكم ليك. قولنا في الكومنتات: إنت مع مين؟ وحصل معاك قبل كده إنك دفعت تمن إنك كنت أشطر من اللي فوقك؟ #٤٨_قانون_للقوة #روبرت_جرين #تطوير_الذات #علم_النفس #بوك_بريك_داون #ملخص_كتاب #القوة #الذكاء_الاجتماعي