Pathien gâlvan | ESC Gangpimuol Nu pawl

‭EPHESI 6:5-20 GANGBSI‬ [5] Suokte haw, Krista thu zawp bangin, lau leh kilîng kawmin; lunggil taka hih in na puteu thu zawp un. [6] Mihiem sukipak maia mit na sem lo in, Krista suok bangin, Pathien deihlam hih un. [7] Mihiemte nasem mai bang hilo in, Lalpa nasem banga um zaw’n, kipâk kawm takin sem zawu in. [8] Lalpa chun mitin, suok hi leh, suok lo hi leh, a thilhih bang zel u a kipahman pie ding ahi tih, hezing un. [9] Chun, nanguh, lawiupate haw, khutibang mah chun, amau haw leh nangmau haw lawiupa chuh van ah a um tih leh, amah chun deihsak chuom a nei puoi tih he’n, hutum a vau lo in, a chungu ah hih thuk un. [10] A chaihna kêi in, Lalpa leh a thahatna thagui a chun, thilhih theihna nei in a na um un. [11] Diabol lungthimbawlna chuh na do zawh theihna dingun Pathien gâlvan bukim in kivan un. [12] I kibuonpih hawu hih sapum leh thisan a hi puoh a; lalna haw leh, thuneihna haw, leh zie khawthim chunga vannuoi vaihawm haw leh, van mun haw a thagau phalo um haw ahi zawu hi. [13] Zieziekchun, ni phalo chuh a hungtun phat leh, na do zawhna dingun leh, na hih zawh suok kêi nung u ale, na din theihna dingun, Pathien gâlvan bukim chuh kilak un. [14] Khutichun, na kâwng u chuh thutaka gâk in, diktatna awmphaw chuh ki-âk in; [15] kichamna Chanchin Pha kiguonkhawlna chuh na keng u a kibuh in dingun. [16] Ziehaw lo chule, taksanna phaw kilak unla, zie chun, migilo thal kuong thei chengcheng chuh sumit thei un lau. [17] Chun, hukdamna lukhuk leh Thagau chemzâm, Pathien Thu chuh kilak unla; [18] ziehaw chuh, bang hun ale, Pathien kawmah paucham in ngên zawu in. Hun tin ah, thagau in a hun puih bang zelin paucham un. Zie ziek tak hin, kivêng phau inla, Pathien mite dingin paucham zingun. [19] Chun, keile, thugen dinga ka kiguot zawh phat leh, Pathien in ka thugen ding ei piek theihna dingin ei paucham pih zing un, ti a chuh hangsan taka Chanchin Pha thuguk chuh ka hetsak theihna dingin. [20] Zie Chanchin Pha palai thikkhau but hi ka hi ngâl a, tuhin suongkul ah um mah lengle. Chanchin Pha chuh, hangsan taka ka phuon dawk ding bang taka, ka phuon dawk theihna dingin, nei paucham sak zing un. Please follow me in Social Media Facebook   / lelgangte   Twitter https://twitter.com/Lelgangte123?s=09 Instagram   / lelgangte   Hit the like button if you like this video and share it & subscribe to our channel For Business information contact us: lelgangte@gmail.com