ပျူနှင့် ပအိုဝ်းတို့၏ ခြေရာကောက်သမိုင်း

#ယခုတင်ဆက်ပေးလျက်ရှိသော ပအိုဝ်းသမိုင်း အကြောင်းအရာများသည် Mika Rolly ရေးသားသည့် “Pa-Oh People(မီကာ ရော်လီ ၏ “ပအိုဝ်းလူမျိုး") စာအုပ်နှင့် " သမိုင်းစာအုပ်နှင့် သမိုင်းပါမောက္ခ ဒေါက်တာသန်းထွန်း၏ ဆောင်းပါးတို့ကို အဓိကကိုးကား၍ စုစည်းတင်ပြထားခြင်း ဖြစ်ပါသည်။ #ယနေ့ မြန်မာနိုင်ငံဟုခေါ်တွင်နေသော တိုင်းနိုင်ငံတွင်၎င်း၊ ယိုးဒယား ဟုခေါ်တွင်နေသော တိုင်းနိုင်ငံတွင်၎င်း၊ လော၊ ကမ္ဘောဒီးယားနိုင်ငံများ တွင်၎င်း၊ ဦးစွာအခြေချပြီး အစကနဦး ကတည်းက ရောက်ရှိနေထိုင်ခဲ့ကြသည့် ပျူ၊ ကမ်းယံ၊ သက်၊ ဟူသော လူမျိုးများသည်၊ ယခုအခါ မည်သည့်အရပ်ဒေသတို့သို့ ရောက်ရှိနေကြသနည်း? ။ #တနေ့နေ့ တချိန်ချိန်တွင် ပြန်လည်၍၊ ပေါ်ထွက်လာဦး မည်မှာ သေချာပေသည်။ ပျူ၊ ကမ်းယံ၊ သက်၊ လူမျိုးများအား၊ မည်သည့် လူမျိုးများက ဝါးမျို၊ မျိုးဖျောက်လိုက်ကြ သနည်း? ။ #မြေကြီးက လူမျိုးများကို၊ ဝါးမျိုပြီး အစပျောက်၊ အစဖျောက်နိုင်သည့် ရာဇဝင်မှာလည်း ယနေ့ခေတ်သစ်သမိုင်းတွင် မရှိဘူးသေးပါ။ မတွေ့ရသေးပါ။မည်သည့် ပါးစပ် ရာဇဝင်မှာမှလည်း ကြားမိခြင်းမရှိပါ။ #ထို့ကြောင့် တနေ့နေ့တချိန်ချိန်၊ မဝေးတော့သည့် ကာလတခုခုတွင်၊ ၎င်းလူမျိုးများသည် ပြန်လည်၍၊ အသက်ရှင်လာဦးမည်။ ဝိညာဉ်တွေ ပြန်ဝင်လာကြ ဦးမည်။