Arabic Underground - وين عايشين؟

كلمات وتأليف: فادي حداد | The Great Journeyman Written & composed by Fadi Haddad | The Great Journeyman وين عايشين؟ ما تسألوني بعد اليوم صرنا نعرف كيف نكمل مو كيف نعيش منكبر بالسنين، وما منكبر بالحياة منورث الخوف متل ما منورث الاسم ومنتعلم نصمت قبل ما نتعلم نحلم شو معنى وطن إذا الوطن خاف منا شو معنى بيت لما البيت مش أمان وشو معنى صوت إذا الصوت بيكلفنا وين عايشين؟ بدي الحقيقة، ولو ئالو الحقيقة إشاعة كل ما نقول وصلنا... بيطلع ما في مطرح وين عايشين؟ مين فينا لسى مصدق؟ بين أرض بِتحبنا وما فيها إلنا باب بين ماضي تقيل ومستقبل مش واضح وأنا بالنص، لا هون كامل ولا هناك واضح كل جيل فينا ورث وجع ما سأل عنه وكل بيت فينا فيه غياب ما حكى عنه منكبر، بس في شي جواتنا ضل صغير عم يفتش عالأمان، بِبلد كل يوم بتصير غير منحلم عالواقف، ومنتعب عالفاضي وكل ما نقول بكرا، بِيطلع لبكرا ماضي يمكن إحنا مش شعب تعبان من الحياة بس يمكن إحنا شعب تعبان من السؤال نفسه سؤال وين عايشين، وما لقينا قلو جواب من زمان طويل، أطول من أي احتلال وين عايشين؟ بدي الحقيقة، ولو قالو الحقيقة إشاعة كل ما نقول وصلنا... بيطلع ما في مطرح وين عايشين؟ مين فينا لسى مصدق؟ بين أرض بِتحبنا وما فيها إلنا باب بين ماضي تقيل ومستقبل مش واضح وأنا بالنص، لا هون كامل ولا هناك واضح وين عايشين؟ بعدنا هون، وبعدنا منحكي