Arabic Blues - مو منيح بس لسا هون

كلمات وتأليف: فادي حداد | The Great Journeyman Written & composed by Fadi Haddad | The Great Journeyman قلتلهم مْنيح.. وما حدا سالني مرتين صحيت اليوم متل كل يوم بلبس وجهي وبطلع بضحك للي بيضحكلي وبمثّل إني مُقتنع الكل مشغول بحالو والكل عندو اللي عندو وأنا بحفظ وجعي بجيبي متل مفتاح ما بيفتح عندو كنت زْغير وأحلامي أكبر مني بكتير اليوم كبرت وصار الحلم حِمل تْقيل عالضهر كل ما وِقعت قالوا قوم وما حدا سال ليش وِقعت وكل ما قمت قالوا شاطر وما حدا شاف كيف قمت تعِبت آه بس مو من الشغل تعِبت من إني كل مرة مْنيح قلتلهم مْنيح وما حدا سالني مرتين ضِحكت قُدّامهم كتير وبكيت وَحدي مرتين دِنيا بتاخُد وما بتسال وبتضحك وإنت بتتوَجّع وأنا لِسّا واقِف بس مو متل قَبل مو متل قَبل كان عندي صْحاب صاروا ذِكرى بالواتساب وكان عندي حُبّ صار اسِم بلا جَواب ما حدا بيروح فَجأة بيروحو شْوَي شْوَي وبتِصحى يوم وبتلاقي حالك قاعِد ومعك حالك وبس يِمكِن الدِّنيا مو ظالمة يا ريت يِمكِن نِحنا بس كنا عم نِستنّى حَدا يسال وإنت إنت اللي عم تسمع هالكلام سالتك أنا كيفَك وبدّي جَواب حقيقي قلتلهم مْنيح وما حدا سالني مرتين بس اليوم سالت حالي وقلت لأ مو مْنيح ومو عيب.. مو عيب.. مو عيب دِنيا بتاخُد وما بتسال بس أنا لِسّا هون مو مْنيح بس لِسّا هون