အုံကွုံꩻခွဲး ဒေါ့ꩻရီ ငေါဝ်းသချင်ꩻ ပဲင်ႏဆဲင်ႏခွင်ꩻ (Copyright) အကျောင်ꩻခရာႏ အကွို့ꩻ (2)

Copyright Owner (တꩻဖဲတ်တꩻဖတ်) ခွုမ်သဲန်ꩻစူခွင်ꩻ (Copyright) ယိုန၀်ꩻ တမုဲင်ꩻ? ခွုမ်သဲန်ꩻစူခွင်ꩻ (Copyright) ယိုန၀်ꩻ မိဥ်ႏဒေါ့ႏဗာႏ ရိုႏရိုုႏန၀်ꩻ ဖန်ထွာသားသီး မူထျႏ စူခြောင်ꩻယို ရဲးကမ်း ဖေႏ အီဒျာႏ နမ်းပဲင်ႏဆဲင်ႏခွင်ꩻဥပဒေႏ တမျိုꩻသွူ။ ယိုန၀်ꩻ ဗွိုန်ဒျာႏ တခြိုꩻ နမ်းပဲင်ႏ လိခ်ချုပ် တဗာႏသွူ။ ရဲးကမ်းဖေႏ အမျိုမုဲင်ꩻဖုံႏ? အဓိကကထွာဒါႏ ဖန်ထွာသားသီး မူထျႏ စူခြောင်ꩻယို (Creative Works) ရဲးကင်ဖေႏဒျာႏသွူ။ ဥပမာႏ - လိခ်လုဲင်ꩻ - လိခ်အုပ်/ ရောမ်ဖြုဲင်ꩻ / ကဗျာ/ င၀်းတꩻချင်ꩻ လိခ်ယာႏ အနုပညာႏ - က၀်ႏတဲမ်း/ က၀်ႏတောက်ႏဒို/ ဓာတ်ပုံႏ ဂီတ - င၀်းတꩻချင်ꩻ ကိုကထွာဒျာႏ စွိႏင၀်း တွမ်ႏ င၀်းဂီတ ရုပ်မွန် / ဗီဒီယို - ရုပ်မွန် / ရုပ်မွန် မတ်ရွေꩻ / YouTube ဗီဒီယိုဖုံႏ။ ဆော့ဖ်၀ဲလ် - ကွန်ပျူတာ ပရိုဂရမ် ကုဒ်ဖုံႏ။ "နမ်းပဲင်ႏခွင်ꩻ" (Owner) ယိုန၀်ꩻ တမုဲင်ꩻဟောင်း? လꩻခွင်ꩻဒျာႏ ခွုမ်သဲန်ꩻစူ ဖန်ထွာသားသီး မူထျႏ စူခြောင်ꩻယို (Author of Creator) ဝွေꩻဗွေႏ သီးအတာႏ လုဲင်ခေါ အခွင်ꩻအရေꩻ အ၀်ႏသွူ။ Copy ခွင်ꩻ (To Copy) - မူထျႏ စူခြောင်ꩻယို နမ်းပဲင်ႏဆဲင်ႏသား တဖြာꩻလွုမ်ꩻ (Copy) ခွင်ꩻအ၀်ႏ။ ဖြေ့ႏစွောတ်ႏ (To Distribute) - မူထျႏ စူခြောင်ꩻယို နမ်းပဲင်ႏဆဲင်ႏသား တဖြာꩻလွုမ်ꩻ စာတမ်ꩻ/ ဖြေ့ႏစွောတ်ႏ ကားတဲင် လꩻမာꩻပဲင်ႏခွင်ꩻ။ ဖျင်ဟ၀်ပဲင်ႏခွင် (To Adapt) - အခေႏခံႏတွမ်ႏ မူထျႏ စူခြောင်ꩻတဲင် ကအီႏဖန်ထွာထဲင်းဒျာႏ (ဥပမာႏ - အ၀်ႏ၀တ္ထု ဖန်ထွာ ဇာတ်တွယ်ꩻ) ဖန်ထွာခွင်ꩻအ၀်ႏ။ အွဥ်ႏနဲ / မွန်းပျောႏခွင်ꩻ (To Perform/Display) - လိုꩻအဖုံႏဆꩻငါ (ပွယ်ꩻလမ်ꩻ) တရာꩻ၀င်ꩻ အွဥ်ႏနဲ / မွန်းပျောႏခွင်ꩻ အ၀်ႏ။ အချုပ်န၀်ꩻ "နီနမ်းပဲင်ႏ မူထျႏ စူခြောင်ꩻတဲင် ကအီႏဖန်ထွာထဲင်းဒျာႏ " လိုꩻလင် အခွင်ꩻတပါတ၀်ႏ ထူႏသွုံꩻ/ ထူႏနုဲင်း/ ပီနုဲင်း နမ်းပဲင်ႏ တခြွိုꩻ စာꩻအံႏ ထိုမ်ႏအီနမ်းအကျိုးစီꩻပွာꩻ စတဲင်ꩻ ကိစ္စနုဲင်းယို ယံဖေႏ မာလꩻတ၀်ႏန၀်ꩻ ထွာအီ ရဲကမ်း ဥပဒေႏ" န၀်ꩻသွူ။ #nekhitproduction #paohnationality #paohcopyright #paohnationality