【娛樂山】MeTime真諦｜「現代韋小寶」鄧兆尊輕鬆駕馭三妻｜棄豆腐火腩飯揀食叉燒｜男人的浪漫係「自己話事」！

有「現代韋小寶」之稱的鄧兆尊，近日被《娛樂山》捕獲在太子茶餐廳獨自食「碟頭飯」。呢位擁有三位伴侶的大少爺，唔使陪老婆，走去茶記享受MeTime，仲同記者大談「男人的浪漫」——原來唔係食豆腐火腩飯，而係一碗叉燒飯背後的人情味與自主人生。 當日兆尊一支公坐喺茶餐廳，慢慢歎碟頭飯，神情相當享受。步出餐廳被問到「男人的浪漫乜唔係豆腐火腩飯?」，他笑言：「食咩都唔緊要，最緊要知呢度啲叉燒好食！」呢位身家逾15億的大少爺放下身段選擇「茶記」歎MeTime，他強調自己從來冇身段：「我得五呎幾、百幾磅，點會有身段？」即使被叫「15億大少」，謙稱只是花名一個。 問到「MeTime」最愛做咩，兆尊竟說：「真正嘅MeTime，其實係有嘢做、出去做嘢嗰陣！」最近他自嘲「發奮工作」，因為自由身冇公司，鍾意做咩就做咩，自主安排日程。他笑言大人就自己話事，年少時候就跟爸爸去浪漫：「細個係陪爸爸（新馬師曾）食雲吞麵；大個咗，就係自己偷閒食鍾意嘅嘢——獨食先係真正快樂！」 被問到撇低三個老婆會否被投訴，兆尊霸氣回應：「老夫老妻，唔使成日見㗎！」他自認輕鬆駕馭三位伴侶，人生座右銘係「家和萬事興」。他透露「御妻術」只學到爸爸的三分之一——爸爸做「聆聽者」，媽媽洪金梅被迫做「惡媽」，先教到好細路。對於「時間管理大師」稱號，他笑而不語，但言談間盡顯「自己話事」的浪漫。 餐廳贊助:齒留香（太子界限街26號地舖） #娛樂山 #鄧兆尊 #現代韋小寶 #豆腐火腩飯 #男人的浪漫 #metime #叉燒